ZAKARIA 12:11 - BIBEL JAMITA NA DENGGAN

¹¹ Masa ma di ari i andung na godang di Jerusalem songon na mangandungi Hadad-Rimon na di Rura Megido.

ZAKARIA 12:11 Referans Kwoze

2 JUJUR TAON 35:24

Diangkat halahi ma ia sian karetania i jana dipaimbar tu kareta na asing na adong disi, dung i dioban ma ia tu Jerusalem. Disi ma marujung ngolunia jana dikuburkon di kuburan ni raja-raja. Marsiluluton ma sude rayat ni Juda dohot Jerusalem hara ni hamamatenia i.

2 RAJA-RAJA 23:29

Hona bunu ma Raja Josia di Megido di na kehe ia tusi mandapotkon si Neko raja ni Mesir na topet hatiha ro rap dohot tentarania laho mamorangi raja Asur na di topi ni Batang aek Efrat.

MATEUS 24:30

Dung i pe anso tarida tanda ni Anak Ni Jolma i di langit. Anggo disi tangis ma sude bangso na satano on, marsak. Diida halahi ma Anak Ni Jolma i ro di bagasan ombun mardongan kuaso dohot hasangapan godang.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 16:16

Dung i dipalagut tondi na tolu i ma angka raja i tu inganan na nigoaran di hata Ibrani, Armagedon.

ZAKARIA 12:12

Tangis ma luat i, ganop ripe tarasing; horong ni si Daud tarasing jana dadaboru ni halahi pe tarasing; horong ni si Natan tarasing jana dadaboru ni halahi pe tarasing;

2 JUJUR TAON 35:22

Tapi laing karas do si Josia laho mangalo. Nada ra ia mangihutkon na nidok ni Debata marhite Raja Neko i. Pauba rupa ma ia jana kehe ia masuk tu parporangan na di tano napa Megido.