ZAKARIA 12:10 - BIBEL JAMITA NA DENGGAN

¹⁰ Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

ZAKARIA 12:10 Referans Kwoze

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

JEREMIA 6:26

Didok Tuhan ma tu bangsoNia, “Pake hamu ma abit goni jana margiling-giling ma hamu di abuan i. Marsiluluton jana mangandungi ma hamu di bagasan pangkilalaan na dangol songon halak na mangandungi anakna sisada-sada na mate, angke ompot noma hamu roroon ni hamamago.”

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

SURAT NI SI PAULUS TU PARLAGUTAN ROM 8:26

Laing songon i do Tondi Ni Debata, na ro do i mangurupi hita di hagaleanta. Angke anggo hita nada taboto sanga na tarbia sapatutna hita martangiang. Tapi Tondi i sandiri do mangadop tu Debata laho mangidohon di hita sian lungun ni roha na so tarhatahon jabat nada tuk hata pajojorkonsa.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

MATEUS 24:30

Dung i pe anso tarida tanda ni Anak Ni Jolma i di langit. Anggo disi tangis ma sude bangso na satano on, marsak. Diida halahi ma Anak Ni Jolma i ro di bagasan ombun mardongan kuaso dohot hasangapan godang.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

BAENON NI ANGKA RASUL 11:15

Jadi di na hupungka mandok hata, ro ma Tondi Parbadia tu halahi tudos tu na masa tu hita nabaruon di mulana i.

BAENON NI ANGKA RASUL 10:45

Homang ma roha ni halak Jahudi na dung porsaya i tu Jesus, i ma na rap dohot si Petrus i, na marnida bahaso dilehen Debata do muse Tondi Parbadia tu bangso na asing.

BAENON NI ANGKA RASUL 2:17

Tulus ma di angka ari na parpudi, ninna Debata, usehononKu ma tondingKu tu sude jolma. Jadi manyurirangi ma angka anak dohot borumunu, maruli parnidaan ma angka naposo bulungmunu, marnipi ma angka simatobangmunu.

JEREMIA 50:4

Didok Tuhan ma, “Anggo di hatiha i marroan ma halak Israel dohot Juda mardongan tangis manjalahi Au, Debata ni halahi.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JUDAS 1:20

Tapi anggo hamu ale angka dongan, tambori hamu ma ngolumunu mardongan haporsayaan tu Tuhan; ias sun do haporsayaanmunu i. Laing martangiang ma hamu mardongan kuaso ni Tondi Parbadia

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

PODA 1:23

Patinggil ma pinggolmu muda hupaingot ho. Lehenonku ma sipaingot na denggan jana ajarkononku parbinotoan tu ho.

MASMUR 51:12

Baen ma au marjop ni roha mangulahi hara ni haluaan na sian Ho, padiar ma anso sian jop ni rohangku burju au mangoloi Ho.

MATEUS 26:75

Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

PODA 4:3

Dompak menek dope au diajari damang do au, jana anak sasada ni dainang do au;

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JEREMIA 31:19

Madung hami hudukkon Ho tapi parbuatannami i hami solsoli do. Dung diuhumi Ho hami, mangunduk do ulunami hara ni arsaknami. Maila hami jana marbile dibaen mardosa taran poso dope.’

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

JEHESKIEL 37:14

LehenonKu ma tondingKu tu bagasan diri ni halahi laho pangoluhon halahi, jana baenonKu halahi anso maringanan di luat ni halahi sandiri. Jadi botoon ni halahi ma bahaso Au do Tuhan, madung mandok songon i jana patulusonKu do songon i.”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

PAMUNGKAAN 45:1

Nada tartahan si Josep be pangkilalaannia di jolo ni angka naposonia i. Jadi disuru ia ma halahi morot sian inganan i anso tarbaen ia paboahon tu angka kahangginia i, sanga ise do ia satutuna.

PAMUNGKAAN 45:2

Dung ruar sude naposonia i, tangis ma si Josep mangandung sagogonia, pajojorkon pardangolannia jabat dibege halak Mesir ia na tangis i jana dipaboa halahi ma pangalaho i tu raja.

BILANGAN 21:9

Dibaen si Musa ma ulok sian tumbaga jana dibaen ia tu ujung ni sada tiang. Ganop halak na nipagut ni ulok i, gabe malum muda diligi ia tu ulok tumbaga i.

1 SAMUEL 7:2

Laing honok do Poti Parjanjian ni Tuhan i tinggal di Kiryat-Jearim, adong do hira-hira dua pulu taon. Songon i ma lolotna sai pio-pio halak Israel mangido tolong tu Tuhan.