ZAKARIA 11:7 - BIBEL JAMITA NA DENGGAN

⁷ Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.

ZAKARIA 11:7 Referans Kwoze

ZAKARIA 11:14

Dung i huponggolkon ma tungkotku na paduahon, i ma na hugoari “Ihot-ihot”, jadi gabe matapor ma hasadaon ni Juda dohot Israel.

ZAKARIA 11:4

Didok Tuhan Debata ma tu au, “Parmahani ma biri-biri na giot sisambolon i.”

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

MARKUS 12:37

Si Daud sandiri mamiohon Ia ‘Tuanku’: Jadi tarbia ma parjadina gabe pomparan ni si Daud muse Ia?” Tabo dihilala halak na marroan i tu Bagas Ni Debata umbege Jesus na mangajar i.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

1 SAMUEL 17:43

Didok si Goliat ma tu si Daud, “Na giot tu aha ma tungkot i? Na dietong ho do lakna au anjing?” Jana diburai ia ma si Daud mangasahon angka debatana.

1 SAMUEL 17:40

Dung i dibuat ia ma tungkotnia marmahan i jana dipili ia ma lima batu na landit sian batang aek i lalu dipamasuk ia tu cakunia. Tiop ma sior di tangannia, kehe ma ia mandonohi si Goliat.

HAMALIMON 27:32

Sada sian sampulu pahan-pahanan, Tuhan do nampuna i. Muda dietong pahan-pahanan i, ganop na pasampuluhon, Tuhan do nampuna i.

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

MASMUR 90:17

Ale Tuhan Debatanami, pasupasu ma hami, anso manjadi sude karejonami.

JEREMIA 39:10

Deba sian rayat i angka na umpogos na so marsinadongan ditadingkon ia ma i di Juda, dilehen ia kobun anggur dohot ladang.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.