ZAKARIA 11:6 - BIBEL JAMITA NA DENGGAN

⁶ “Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

ZAKARIA 11:6 Referans Kwoze

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MIKA 5:8

Taluhonon ni Israel ma angka musuna jana roncohononna i sudena.

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

JOHANNES 19:15

Marsurak-surak ma halahi, ninna halahi, “Bunu ma i! Bunu ma! Parsilangkon i!” Dung i ninna si Latus ma mandok tu halahi, “Parsilangkononku ma he Rajamunu?” Dialusi angka kapala ni malim i ma, “Hum sasada Kesar i do rajanami!”

MATEUS 24:10

Jadi anggo disi, bahat ma halak na so burju be tu Au.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

MALEAKI 4:6

BaenonNia ma marpangulahi roha ni ama-ama tu angka anakna jana roha ni angka dakdanak tu amana, anso ulang ro Au mangkonahon uhum tu tano on gabe maronco.”

ZAKARIA 14:13

Di ari i, baenon ni Tuhan ma angka bangso-bangso i mardut ni roha jana mabiar situtu lopus ditangkup na sada donganna na di lambungna jana marsihantaman.

ZAKARIA 11:14

Dung i huponggolkon ma tungkotku na paduahon, i ma na hugoari “Ihot-ihot”, jadi gabe matapor ma hasadaon ni Juda dohot Israel.

ZAKARIA 11:9

Dung i hudok ma tu punguan ni biri-biri i, “Nada ra be au marmahani hamu. Na giot mate, padiar ma marmatean, jana na giot marmara, padiar ma marmara tusi. Jadi na deba nari i padiar ma marsimatean.”

ZAKARIA 11:5

Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.

ZAKARIA 8:10

Hatiha dompak so dapot dope ari on, nada taruli halak di gogona, jana pahan-pahanan pe songon i do, jana nada adong jolma na malua sian musuna. Harana Hubaen do halahi marbadai.

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

MIKA 6:14

Mangan ma hamu, tapi nada marnabutong – mur tongtong noma malean. Angkatonmunu ma angka barang-barang, tapi nada tarjagohon hamu; sanga aha na nijagohonmunu roncohononKu ma i di bagasan parporangan.

HOSEA 2:10

PatalahonKu ia di jolo ni sude haholongan ni rohana. Sahalak pe nada adong na margogo paluahon ia sian kuasongKu.

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 3:5

Hara ni i angkon marsisosakan ma bangso i, na sahalak tu na sahalak nari, na sada tu na asing; na umposo angkon manyonggak amangna dohot inangna, jolma na layas tu jolma na sangap.

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

ANDUNG 5:8

Diparenta angka hatoban noma hami nada adong na margogo palua hami sian halahi.