ZAKARIA 11:14 - BIBEL JAMITA NA DENGGAN

¹⁴ Dung i huponggolkon ma tungkotku na paduahon, i ma na hugoari “Ihot-ihot”, jadi gabe matapor ma hasadaon ni Juda dohot Israel.

ZAKARIA 11:14 Referans Kwoze

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JAKOBUS 3:16

Muda masa pangiburuon dohot na manyarihon dirina be, masa muse ma disi hagaoron dohot sude ragam-ragam ni na jat.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

MATEUS 24:10

Jadi anggo disi, bahat ma halak na so burju be tu Au.

ZAKARIA 11:9

Dung i hudok ma tu punguan ni biri-biri i, “Nada ra be au marmahani hamu. Na giot mate, padiar ma marmatean, jana na giot marmara, padiar ma marmara tusi. Jadi na deba nari i padiar ma marsimatean.”

ZAKARIA 11:7

Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.

JESAYA 11:13

Nada be mangiburu harajaan Israel mida Juda, jana Juda pe nada be musuanna Israel.

ZAKARIA 11:6

“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

JEHESKIEL 37:22

BaenonKu ma halahi gabe sada bangso di tano i, di dolok ni Israel. Sada raja ma mamarenta halahi jana nada be matapor halahi gabe dua bangso sanga harajaan.

MARKUS 3:24

Muda so adong hasadaon di sada harajaan, sai marbadai rayat sama rayat disi, na giot maronco ma harajaan i.