ZAKARIA 11:12 - BIBEL JAMITA NA DENGGAN

¹² Hudok ma tu halahi, “Muda satuju do hamu lehen hamu ma upangku; muda nada satuju hamu, padiar ma songon i.” Jadi dilehen halahi ma tu au tolupulu hepeng perak songon upangku.

ZAKARIA 11:12 Referans Kwoze

MATEUS 26:15

Didok ia ma tu halahi, “Aha ma lehenonmunu di au muda hupasahat Jesus tu hamu?” Dung i dietong halahi ma tolu pulu hepeng perak. Dilehenkon halahi ma hepeng i tusia.

HARURUAR 21:32

Muda mate didogo-dogo lombu jantan i hatoban halaklahi sanga dadaboru, angkon gararon ni nampuna lombu i ma tolu pulu hepeng perak tu nampuna hatoban i, jana lombu i pe angkon nidangguran dohot batu lopus mate.

PAMUNGKAAN 37:28

jana hatiha mamolus deba saudagar halak Midian diparuar angka angkangna i ma si Josep sian bagasan sumur i, digadiskon halahi ma ia tu halak Ismael i arga dua pulu hepeng perak. Dung i dioban angka parjagal i ma ia tu Mesir.

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

1 RAJA-RAJA 21:2

Sanoli didok si Ahab ma tu si Nabot, “Sai por do rohangku anso au nian nampuna kobun anggurmi, hara ni donokna kobun i tu bagas godangku jana giot manyuan angka suan-suanan au nian disi. Hulehen ma di ho kobun anggur na jumeges baen gontina, sanga muda dia na giot rohamu, hutobusi ma i dohot arga na patut.”

MATEUS 27:9

Jadi hara ni i, tulus ma na nidok ni Panurirang Jeremia. Songon on pandoknia, “Dijagit halahi ma hepeng na tolu pulu perak i. I ma bilangan ni hepeng na niolohon ni halak Israel gabe panggararna.

MATEUS 27:10

Dipake halahi ma hepeng i panobusi ni tano ni sitopa hudon songon na nitonahon ni Tuhan tu au.”

PAMUNGKAAN 23:16

Tumbuk ma arga i di roha ni si Abraham, dietong ia ma hepeng perak i mangihutkon timbangan na somal dipake saudagar. Dung i digarar ia ma i tu si Efron di jolo ni angka pamimpin ni halak Het i.

1 RAJA-RAJA 5:6

Madung diboto raja i anggo rayatku nada adong na malo manaba hayu songon rayat ni tuan i. Hara ni i hupangido anso ra nian tuan i manyuru rayat ni tuan i manaba hayu Ares Libanon i di au. Husuru pe rayatku mangurupi halahi, jana sanga sadia gaji na nitontuhon ni tuan i di halahi, hugarari pe.”

JEREMIA 32:9

Jadi hutobusi ma tano i sian si Hanameel, hutimbang ma hepeng disia: pitu bolas sikal perak argana.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”