ZAKARIA 11:11 - BIBEL JAMITA NA DENGGAN

¹¹ Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki.

ZAKARIA 11:11 Referans Kwoze

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

LUKAS 19:48

Tapi nada dapot halahi sanga songon dia pambaenna, angke sude rayat tuSia do rohana jana por do rohana manangihon Ia.

LUKAS 7:22

Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.

LUKAS 2:38

Topet ma hatiha i laing ro ia mamuji Debata bope mangkobari taringot tu Dakdanak i tu sude halak na sai painte-intehon sanga andigan hatihana paluaon ni Debata Jerusalem.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

MASMUR 69:33

Dibaen ditangihon Tuhan antong halak na lebak, nada dihalupahon Ia bangsoNia na di hurungan.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 31:21

jana bahat ma parmaraan na jorbut ampe tu halahi. Tapi anggo ende on tongtong ma diendehon jana dipake gabe hasaksian maradopkon halahi, harana laing tong-tong do i endehonon ni pomparan ni halahi. Salang saonnari pe, painte so Huoban halahi tu tano na Hujanjihon i, Huboto do pardangolan ni pikiran ni halahi.”

2 JUJUR TAON 9:14

nada dohot dope i dietong angka pajak na sian saudagar dohot parboniaga. Angka raja-raja ni Arab maradu angka gubernur ni Israel mangalehen sere dohot perak tusia.

JEREMIA 32:8

Jadi tumbuk ma songon na nidok ni Tuhan, ro ma antong si Hanameel tu au di alaman ni panjagoon i jana didok ia ma anso hutobusi tanonia i. Hara ni i ma umbaen na pos rohangku paboa na tutu situtu do Tuhan mandok hata tu au.