ZAKARIA 10:8 - BIBEL JAMITA NA DENGGAN

⁸ PiohononKu ma bangsongKu gabe sada punguan baenonKu. Hupalua halahi jana sabahat ni na jolo baenonKu.

ZAKARIA 10:8 Referans Kwoze

JESAYA 5:26

Baenon ni Tuhan ma sada tanda giot mamio bangso sian na dao. Mandosik ma Ia mamio halahi sian angka ujung ni tano on. Marroan ma halahi tibu jana hipas.

JESAYA 7:18

Di ari i piohonon ni TUHAN ma halak Mesir dohot halak Asur, jadi ro ma bangso na dua i songon parharkar ni lanok dohot loba mangarongomi angka rura na margaba-gobi dohot rigang-rigang ni batu; tutupan ni halahi ma sandok potpot na marduri dohot inganan na marduhut.

JEREMIA 33:22

PabahatonKu ma pomparan ni naposongKu si Daud dohot angka malim sian Marga Levi lopus gabe sabahat ni horsik na di topi ni laut dohot sabahat ni bintang na di langit na so taretong bilanganna bahat ni halahi.”

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

ZAKARIA 9:11

Didok Tuhan ma tu bangsoNia, “Ho pe markite-hite mudar ni parjanjianKu dohot do paluaonKu angka na tarbuang sian ho, malua sian sumur na so marisi aek.

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

1 RAJA-RAJA 4:20

Songon bahat ni horsik na di topi ni laut do bahat ni rayat ni Juda dohot Israel. Sonang do ngolu ni halahi, jana marlobi-lobi sipanganon dohot siinumon.

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

MIKA 2:12

Didok Tuhan ma mangulahi, “Ale halak Israel na teba! Angkon palagutonKu do hamu jana pasadaonKu songon biri-biri na mulak tu barana. Songon padang na gok biri-biri, laing songon i ma tanomunu mangulahi gok dohot bahat ni jolma.