ZAKARIA 10:6 - BIBEL JAMITA NA DENGGAN

⁶ “PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

ZAKARIA 10:6 Referans Kwoze

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

JEREMIA 3:18

Mardomu ma Israel dohot Juda, jana rap ro ma halahi sian tano habuangan na di Utara. Mulak ma halahi tu luat na dung Hupasahat tu ompu ni halahi gabe tano pusako.”

ZAKARIA 8:11

Tapi anggo saonnari asing noma baenonKu tu angka jolma na mangolu dope sian bangso on sian na Hubaen na salpu i, ninna Tuhan Na Markuaso i.

HOSEA 1:11

PasadaonNa ma mangulahi bangso Israel dohot bangso Juda. Angkaton ni halahi ma sada pamimpin jana mur mabahat ma halahi jana sonang di tano ni halahi. Tutu do, gabe ari na godang ma Ari Ni Jisreel.

JEHESKIEL 36:37

Didok Tuhan Debata i ma, “Ale bangso Israel, Hupaloas ma hamu mangulahi mangido tolong tu Au; tambaanKu ma bahat ni bilanganmunu songon punguan ni biri-biri.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

MIKA 7:16

Idaon ni angka bangso ma i jana maila ma halahi dung diboto na so adong do hape bagi aha arti ni sandok hagogoan ni halahi. Mago ma roha ni halahi gabe nada be malo mangkuling sanga marbinege.

MIKA 5:8

Taluhonon ni Israel ma angka musuna jana roncohononna i sudena.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

HOSEA 2:23

BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JEHESKIEL 39:25

Didok Tuhan Debata i ma, “Tapi anggo saonnari haholonganKu noma halak Israel pomparan ni si Jakob i, jana baenonKu halahi sonang mangulahi. Jadi songon i ma Hubaen manjago anso laing tongtong dipasangap goarKu.

JEHESKIEL 37:16

“Ale jolma parsantongkinan, buat ma sada tungkot jana suratkon ma tusi hata on, ‘Harajaan Juda’. Dung i buat ma sada nari tungkot jana suratkon disi: ‘Harajaan Israel’.

JEHESKIEL 36:11

TambaanKu ma halak dohot pahan-pahananmu, lopus bahat sajo, umbahat sian di mulana i, jana marpinompari halahi bahat-bahat. Dos ma halahi mangolu songon di mulana i jana sonang baenonKu songon na so unjung dihilala hamu. Jadi gabe botoon ni halahi ma Au do Tuhan.

JEREMIA 31:31

Didok Tuhan ma, “Dapot do i hatihana baenonKu parjanjian na imbaru tu halak Israel dohot Juda.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

JEREMIA 30:18

Songon on ma hata ni Tuhan, “Satutuna, mulak ma obanonKu angka na tarbuang sian parbandaran ni si Jakob. Jana marpangulahi rohangKu mida angka ingananna; jana angkon paulion mangulahi kota i di gincat ni roncoanna hian, jana bagas godang i angkon jongjong di ingananna hian.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

MASMUR 89:21

Sai tongtong do ia ondihonon ni hagogoonKu sai pargogoan ni kuasongKu do ia.

MIKA 4:6

Didok Tuhan ma, “Dapot do i muse hatihana palagutonKu angka jolma na Huuhumi i, i ma angka na markancit di habuangan i.

OBAJA 1:18

Pomparan ni si Jakob ma songon api jana pomparan ni si Josep ma songon jilam ni api. Tapi pomparan ni si Esau i ma na gabe songon gandum tutungon, jana panganon ni halahi ma i sude lopus abis, jana umpe sahalak na malua sian pomparan ni si Esau, angke Tuhan do na mandok songon i!

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 54:4

Ulang ho mabiar, nada pola pailaon be ho; nada layasan jabat mangirput ho. Halupahononmu ma na so turemu dompak poso ho; dohot na lungunmu dompak mabalu ho.

JESAYA 54:8

Hara ni parpiar ni murukKu, Hutabunihon bohingKu, santongkin maradopkon ho. Tapi patuduhononKu ma tu ho holong ni rohangKu salolot ni lolotna.” Songon i ma na Hudok, Au Debata Sipalua ho.

ZAKARIA 1:16

Hara ni i songon on do hata ni Tuhan, “Madung marpangulahi rohangKu tu Jerusalem; angkon paulion muse BagasKu di tonga ni kota i, ninna Tuhan Na Markuaso, jana tarikon ma hotang pangukur humaliang Jerusalem.”

ZAKARIA 9:16

Muda dung dapot ari i, paluaon ni Tuhan ma bangsoNa, songon parmahan na paluahon biri-biriNa sian mara. Marsinondang be ma halahi di tano ni Tuhan, songon parnyala-nyala ni tuku na marbatu intan.

JEREMIA 30:20

Angka anak ni halahi angkon songon di mulana, jana parlagutan ni halahi angkon marbungaran salolot ni lolotna di jolongKu. UhumonKu ma sude halak na mamparhanciti halahi.

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,