ZAKARIA 10:5 - BIBEL JAMITA NA DENGGAN

⁵ Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

ZAKARIA 10:5 Referans Kwoze

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”

MASMUR 20:7

Adong do halak na mangasahon kareta porangna, adong muse na mangasahon kudona. Tapi nada songon i anggo hita; hita marsitiopan tu kuaso ni Tuhan, Debatanta.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

2 KORINTUS 10:4

Nada hami pake angka sinjata ni portibi on di bagasan paraloannami tapi angka sinjata ni Debata na markuaso i do. Sinjata i do hami baen manaluhon angka partahanan ni jolma. Hami alusi do sude angka parsoalan

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

LUKAS 24:19

“Aha na masa?” ninna Jesus. “I ma na masa tu Jesus halak Nasaret i,” ning halahi mangalusi. “I ma sada panurirang na markuaso situtu hataNa, dohot pambaenanNa pe margogo situtu – di jolo ni Debata dohot di jolo ni jolma pe.

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

ZAKARIA 14:13

Di ari i, baenon ni Tuhan ma angka bangso-bangso i mardut ni roha jana mabiar situtu lopus ditangkup na sada donganna na di lambungna jana marsihantaman.

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.

ZAKARIA 12:4

Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

AMOS 2:15

Na malo manyior pe nada manahan, na hipas marlojong pe nada tarbaensa paluahon dirina, jana na mangalombut kudo pe nada malua.

JEHESKIEL 38:15

Kehe ho mardalan sian ingananmu na di Utara, diudurkon tentara sibahat-bahat jana na gogo situtu, na markudo do i sude sian ragam ni angka bangso.

JESAYA 41:12

Jalahanmu do angka musumu, tapi nada dapot ho halahi. Angka halak na marporang mangalo ho, angkon songon sisoada jana marhamagoan.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 8:9

Marlagut ma hamu mardongan biar, hamu ale angka bangso! Tangihon ma ale ujung ni portibi on. Marbobat jana mabiar ma, marbobat jana mabiar ma!

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

MASMUR 33:16

Nada monang raja hara ni godang ni kuasona, nada malua ulubalang hara ni godang hagogoon.

MASMUR 18:42

Hududa halahi songon lamot ni abu na marhabangan, hudege-dege halahi songon bustak di dalan.

2 SAMUEL 22:43

Huropuk halahi lamot songon abu marhabangan, hulonca-lonca halahi songon bustak di dalan-dalan.

2 SAMUEL 22:8

Humuntal tano jana humutur, ojahan ni langit pe humusor jana marputar dibaen topet hatiha muruk Debata marpiar-piar parmurukNa.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 10:14

Nada jungada tarjadi songon i jana indangkan na tarjadi muse be ari songon i, disi diihutkon Tuhan hagiot ni jolma, marporang Tuhan di pihak ni Israel!

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

HALUMBAAN 19:17

Dung i huida ma sahalak surusuruan jongjong di ginjang ni mataniari. Marsurak ma ia gogo tu sude unggas na habang di awang-awang, “Beta ma marlagut anso tatopot pesta godang na nipatupa ni Debata!

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

BAENON NI ANGKA RASUL 18:24

Jadi laing di hatiha i, ro ma tu Epesus sada halak Jahudi na sorang di Aleksandria, na margoar si Apollos. Na malo do bayo i mandok hata jana na pistar taringot tu isi ni Buku Na Badia i,

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MASMUR 44:5

Markite-hite kuasoMu, hami taluhon musunami, jana hami patunduk bangso na mamorangi hami.

JESAYA 41:25

Madung Hupabangkit sahalak sian Habincaran, sian Utara do ia ro manyerang. Lonca-loncaonnia ma parkuaso songon bustak songon sitopa hudon mangalonca-lonca tano liat.

MIKA 5:8

Taluhonon ni Israel ma angka musuna jana roncohononna i sudena.

2 RAJA-RAJA 9:33

Didok si Jehu ma tu halahi “Dabuhon hamu i tu toru!” Didabu halahi ma si Isebel jabat mamincar mudarna i tu dingding dohot tu kudo i. Dung i digilingkon si Jehu ma bangke ni si Isebel i dohot kareta kudonia i.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.