ZAKARIA 10:4 - BIBEL JAMITA NA DENGGAN

⁴ PilionKu ma sian tonga-tonga ni halahi na gabe parkuaso, pamimpin dohot panglima na giot mamarenta bangsongKi.

ZAKARIA 10:4 Referans Kwoze

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”

ZAKARIA 9:8

JagohononKu ma tanongKi jana ambatonKu angka parangan ni bangso na asing na giot mamolus sian i. Nada Hupatola be angka panyosak manjaja bangsongKi. Angke madung Huida pardangolan ni halahi.”

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

2 TIMOTEUS 2:4

Muda sada tentara na topet mardinas nada tola baenonna urusanna sandiri, angke por do rohania laho pasonangkon roha ni komandanna i.

MATEUS 9:38

Hara ni i pangido hamu ma tu nampuna sabion i, anso disuru Ia halak laho manyabi sabion i.”

JEREMIA 1:18

Angke anggo Au, satutuna sadari on baenonKu ma ho gabe kota na marbenteng, gabe tiang bosi dohot gabe tembok tumbaga, mangalo sude raja-raja ni Juda dohot angka pegawaina, mangalo angka malim dohot rayat ni negara on.

JESAYA 54:16

Au do manompa tukang bosi, na manopa sinjata di bagasan api. Tapi Hubaen muse do na pasegohon, na mamake sinjata tu maksud na jahat.

JESAYA 49:2

Pamanganku dibaen Ia songon tajom ni podang, tanganNia mangalehen di au parlindungan. Dibaen do au songon anak ni pana, nisimpan di tabung jana marlinang tajomna.

JESAYA 19:13

Jolma na bodo do angka pamimpin di Zoan dohot Memphis. Nanggo na mamimpin halahi, na mur paliluhon bangso i noma dohonon.

MASMUR 118:22

Batu na dung niambungkon ni tukang bangunan i, i ma na gabe batu parsuhi.

ESRA 9:8

Hape saonnari, ale Tuhan Debatanami, apala on dope maribo ni roha Ho tu hami. Dipalua Ho do sanga na piga halak sian tonga-tonganami sian parhatobanan anso mangolu di bagasan dame di inganan na marhapunjungan on. Dilehen Ho do di hami ngolu na imbaru. Dompak di bagasan parhatobanan hami,

1 SAMUEL 14:38

Jadi gabe didok si Saul ma tu angka pamimpin ni rayat i, “Ro ma hamu tuson, jana pareso hamu sanga dosa aha na dibaen sadari on.

PAMUNGKAAN 49:24

Tapi laing hot do togu panania i, jana tangannia tong-tong margogo, hara ni kuaso ni Parmahan Na Gumogo, Debata ni si Jakob dolok batu ni Israel.

LUKAS 20:17

Dipamanat Jesus ma halahi, ning Ia ma, “Anggo songon i, aha do astuan ni ayat na di Buku Na Badia on? ‘Anggo batu na niambungkon ni angka tukang bagas i, madung gabe batu parsuhi.’

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”

JEREMIA 51:20

Didok Tuhan ma, “O Babel, na songon potuk-potuk do ho, sinjatangKu laho marporang. Hupake do ho laho manghantam angka bangso dohot angka harajaan.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’