ZAKARIA 1:6 - BIBEL JAMITA NA DENGGAN

⁶ Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

ZAKARIA 1:6 Referans Kwoze

ANDUNG 2:17

Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

PANGARATAION 28:15

“Tapi muda nada dioloi ho Tuhan Debatamunu, jana nada setia ho patuluskon sude parenta dohot uhumNia na hulehen tu ho sadari on, gabe ampe ma tu ho bura na songon on:

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

JEREMIA 23:20

Nada ra mombun hamumurukNia i salolot so abis sude mardalan na disangkaphonNia. Di pudian ni ari muse botoon ni bangso ni Tuhan do torang taringot tusi.

AMOS 9:10

Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”

JEREMIA 44:28

Hum piga-piga halak sajo noma na giot malua jana mulak tu Juda sian Mesir. Jadi idaon ni halahi ma sanga hata ni halahi do na tarjadi sanga na hatangKu.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

1 TESSALONIKA 5:4

Tapi anggo hamu angka dongan, nada di hagolapan hamu maringanan; na mambaen hamu gabe tarsonggot do baenon ari i songon na nisonggot ni panangko.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

HOSEA 9:15

Didok Tuhan ma, “Di Gilgal do mamungka sude hajahatan ni halahi i. Disi ma mamungka goyak rohangKu mida halahi. Hara ni jahat ni pambaenan ni halahi, paorotonKu noma halahi sian tanongKon. Nada holong be rohangKu tu halahi; madung sude pamimpin ni halahi mangalo tu Au.

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

ANDUNG 1:18

Tapi tigor do anggo Tuhan, angke parentaNia do antong na nilaosan. Tangihon ma au, ale angka bangso! Ligi ma au di bagasan pardangolan on. Hona tangkup na poso dohot nauli bulungku, jana dioban tu habuangan.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

JOB 6:29

Ulang ho mambaen na geduk, boto ma! Ulang au pasala, tutu do nada au sala.

PANGARATAION 28:45

Ampe tu ho ma sude bura on, jana torus ma i marroan tu ho lopus abis ho, hara ni na so mangoloi ho tu Tuhan Debatamunu jana nada dipatulus ho sude uhum na nilehenNia i tu ho.

PANGARATAION 28:20

Muda mambaen jahat ho jana manulak hamu di Tuhan, paroonNia ma parmaraan, hagaoron dohot hamaolon di sasude na nibaenmunu, jadi gabe abiskononna ma ho di hatiha na pendek sajo.

BILANGAN 33:56

Muda nada dipaorot hamu halahi gabe hamu ma pusaonKu songon na dung ditahi rohangKu hian laho mamusa halahi.”

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

PANGARATAION 28:2

Oloi hamu ma Tuhan Debatamunu, jadi gabe lehenonNia ma sude pasupasu on tu ho:

JESAYA 21:17

Ulubalang na sumurung do angka sitiop sior ni Kedar. Hape hum saotik sajo do na malua sian halahi. Au, Tuhan Debata ni Israel madung mandok songon i.”

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 36:28

mambuat karotes balunan na asing dohot manyuratkon sude na dung husuratkon i di surat balunan na parjolo i.

JEREMIA 39:16

mandok tu si Ebedmelek halak Sudan i bahaso na nidok ni Tuhan Na Markuaso i, Debata ni Israel songon on, “Songon na Hudok na salpu i, na giot paroonKu parmaraan tu kota on, jana nada hasonangan. Idaonmu do tarjadi na masa i.

JEREMIA 44:29

ParoonKu ma jaya tu hamu di inganan on laho patandahon tu hamu paboa na tutu situtu do tarjadi uhuman na dung Husangkaphon tu hamu.

DANIEL 4:28

Tarjadi ma sudena i tu Raja Nebukadnesar.

HOSEA 5:9

Abis ma Israel, angke madung dapot arina laho manguhum halahi. Tangihon hamu ma, rayat ni Israel, angkon tarjadi do na songon i.

ZAKARIA 1:7

Di tanggal dua pulu opat bulan Sebat, i ma bulan sabolas di taon paduahon hatiha mamarenta Raja Darius, ro ma hata ni Tuhan tu Panurirang Zakaria anak ni si Berekia, anak ni si Ido songon on:

JESAYA 55:11

laing songon i do hatangKu na haruar sian pamanganKu, nada mulak boti i tu Au; tapi patuluson ni i do hagiotKu, jana marlabo do i di bagasan aha na dung Husuruhon tusia.

JEREMIA 28:17

Jadi laing di bagasan taon i di bulan papituhon, marujung ma ngolu ni si Hananya.

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

ANDUNG 3:42

“Mardosa do hami jana mangalo tu Ho, ale Tuhan, jana nada dilehen Ho ampunan.