ZAKARIA 1:5 - BIBEL JAMITA NA DENGGAN

⁵ Ma di dia he angka ompumunu i saonnari? Jana angka panurirang, mangolu ma he lakna halahi salolot ni lolotna?

ZAKARIA 1:5 Referans Kwoze

PARJAMITA 12:5

Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

PARJAMITA 1:4

Tarida sundut na sada jana mago ma sundut na asing, hape nada marnamuba tano on.

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

JEREMIA 36:28

mambuat karotes balunan na asing dohot manyuratkon sude na dung husuratkon i di surat balunan na parjolo i.

ANDUNG 5:7

Mardosa ompunami, saonnari nada adong be halahi; jana hami on ma angkon manaonsa, angka dosa na nibaenna.

1 SAMUEL 25:1

Nada sadia honok nari marujung mangolu ni si Samuel. Marlagut ma sude Israel jana tumatangis. Dung i dikuburkon ma ia di bagasnia di Rama. Dung i kehe ma si Daud tu Parhorsihan Paran.

2 RAJA-RAJA 13:14

Sanoli posi ma marnyae si Elisa, jana ro ma Raja Joas mangaligi ia. Dung diida ia na giot mate noma si Elisa, tangis ma raja i jana didok ia ma, “Amang, Amang, pangondian godang ni Israel.”

2 RAJA-RAJA 13:20

Nada sadia honok mate ma si Elisa jana dikuburkon. Di hatiha i pinomatna sanoli sataon laing na ro do halak Moab mamorangi Luat Israel.