ZAKARIA 1:21 - BIBEL JAMITA NA DENGGAN

²¹ Jadi husapai ma, “Aha dehe lakna sibaenon ni halahi umbaen na ro?” Dung i dialusi ia ma songon on: “On ma angka tanduk na dung manyerakkon Juda, lopus nada tarbaen sanga ise padorgak uluna. Tapi ro do i sude giot manyonggoti halahi, i ma na giot mangambungkon angka tanduk ni angka na paginjangkon tandukna adop tano Juda laho paserakkonsa.”

ZAKARIA 1:21 Referans Kwoze

ZAKARIA 1:19

Husapai ma tu surusuruan na manghobari i dohot au, “Aha dehe arti ni angka tanduk i?” Dialusi ia ma, “Gambaran ni angka harajaan na gogo do tanduk i na paserakkon halak na maringanan di Juda, Israel dohot Jerusalem.”

ANDUNG 2:17

Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

MASMUR 75:10

TipulkononNia ma hagogoan ni parjahat, hape anggo halak na burju mur margogo ma.

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

MASMUR 83:2

Ligi ma, sai manggaori angka musu, angka na margoyak ni roha di Ho mangalo.