ZAKARIA 1:20 - BIBEL JAMITA NA DENGGAN

²⁰ Jadi dipataridahon Tuhan ma tu au opat halak pande bosi.

ZAKARIA 1:20 Referans Kwoze

OBAJA 1:21

Porangan ni halahi ma rap dohot halak Jerusalem na asing i halak Edom jana taluhononna. Jadi Au Tuhan, mamarenta noma gabe raja.”

NEHEMIA 9:27

Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

1 SAMUEL 12:11

Dung i disuru Tuhan ma si Jerubaal (Gideon), dung i si Barak, dung i si Jefta jana ujungna au. Madung hami palua hamu sian musumunu, lopus tarbaen sonang ngolumunu.

HAKIM-HAKIM 11:18

Dung i ditoruskon halahi pardalananna mamolus parhorsihan, tapi nada mamolus be sian daerah ni Edom dohot Moab, tapi mangaliati ma dalan ni halahi lopus lalu tu Habincaran ni Moab, di bariba ni Batang aek Arnon. Marbandar ma halahi disi, tapi nada taripar batang aek i harana masuk tu daerah ni Moab noma i.

HAKIM-HAKIM 11:16

Di na nitadingkon ni halak Israel Mesir, adop Solok Akaba do halahi kehe mamolus parhorsihan lopus tu Kades.

PANGARATAION 33:25

Angka hutana pe dijagoi pintu bosi anso mangolu ia di bagasan dame humani.”

JESAYA 44:12

Dibuat tukang bosi ma sada logam, ditutung ia ma i lalu ditopa pake toko, dikarejohon ia ma i dohot sude gogo ni tanganna. Maradu malean jana sampe abis gogonia jana nada minum aek ia lopus loja.