ZAKARIA 1:19 - BIBEL JAMITA NA DENGGAN

¹⁹ Husapai ma tu surusuruan na manghobari i dohot au, “Aha dehe arti ni angka tanduk i?” Dialusi ia ma, “Gambaran ni angka harajaan na gogo do tanduk i na paserakkon halak na maringanan di Juda, Israel dohot Jerusalem.”

ZAKARIA 1:19 Referans Kwoze

ZAKARIA 8:14

Didok Tuhan Na Markuaso i ma, “Taran muruk Au dibaen angka ompumunu, Huputuskon do disi laho manguhumi halahi posi. Nada Hupauba haputusanKi, tapi Hudalankon do i.

ZAKARIA 2:2

“Giot tu dia dehe i?” ningku manyapai. “Laho manyuhat Jerusalem do,” ning ia mangalusi, “Giot botoonku sanga na sadia ginjang ni kota i dohot bidangna.”

ZAKARIA 1:21

Jadi husapai ma, “Aha dehe lakna sibaenon ni halahi umbaen na ro?” Dung i dialusi ia ma songon on: “On ma angka tanduk na dung manyerakkon Juda, lopus nada tarbaen sanga ise padorgak uluna. Tapi ro do i sude giot manyonggoti halahi, i ma na giot mangambungkon angka tanduk ni angka na paginjangkon tandukna adop tano Juda laho paserakkonsa.”

ZAKARIA 1:9

Marsapa ma au tusia, “Tuan, aha dehe arti ni kudo on sudena?” Dialusi ia ma, “Hupatuduhon pe tu ho astuan ni i.”

ESRA 4:4

Dipagale halak na dung lolot maringanan disi ma roha ni halak Jahudi boti dipabiar-biar halahi anso diantak pambangunan i.

ESRA 4:1

Tarbege do tu musu ni halak Juda dohot Benyamin barita bahaso na mambangun angka halak na tarbuang i hian, i ma Bagas Ni Tuhan, Debata ni Israel.

ESRA 4:7

Songon i muse di hatiha ni si Artahsasta mamarenta, mangulahi do i tarjadi: Mambaen surat ma si Bislam, si Mitredat, si Tabel dohot dongan ni halahi tu raja. Di hata Aram do dibaen surat i, jana angkon diterjemahkon do hatiha manyisena.

HABAKUK 3:14

Mangkatombuk dibaen angka siorMu na mamimpin parangan ni musu, di na ro paranganna i songon gogo ni halingsungsung, anso masarsar nian hami dibaen. Martata ma halahi marsonang-sonang laho mamparkanciti halak na marhahurangan.

AMOS 6:13

Ale hamu na marjop ni roha hara ni Lodabar, jana na mandok, “Nada he marhite hagogoonta do tarampas Karnaim di hita?”

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

ESRA 5:3

Tapi manigor ro ma tu Jerusalem si Tatnai gubernur ni propinsi Efrat Hasundutan rap dohot si Setar Bosnai dohot angka dongan ni halahi manyapai tu angka halak Jahudi, “Ise marsuru hamu mambangun dohot mangkobasi Bagas Paribadatan on?”

1 RAJA-RAJA 22:11

Sahalak sian panurirang i na margoar si Zedekia anak ni si Kenaana, dibaen ia angka tanduk sian bosi jana didok ia ma tu si Ahab, “On ma na nidok ni Tuhan, ‘Dohot tanduk on ma porangan ni raja i Siria jana malantuk ma halahi.’ ”

MASMUR 75:4

Hudok do tu halak siginjang roha, anso ulang be sai mamburas.

MASMUR 75:5

Jana tu halak parjahat anso ulang be sai manggakgak. Ulang manggodang diri sanga mandok hata ginjang ni roha.”

JEREMIA 48:25

Madung diripukkon gogo ni Moab, jana disargehon kuasona. Au Tuhan, madung mandok songon i.”

DANIEL 7:16

Jadi hupadonok ma tu sada halak na jongjong disi jana hupangido ma hatorangan ni sudena i. Jadi dipaboa ia ma tu au artina.

ZAKARIA 1:18

Dung i manatap ma au adop gincat, huida ma opat tanduk ni lombu.