ZAKARIA 1:17 - BIBEL JAMITA NA DENGGAN

¹⁷ Ulahi muse ma martingting mandok, “Songon on do hata ni Tuhan Na Markuaso, ‘Murrarat dope angka kotangKu baenon jana lobian dipasupasu, jana ulahan ni Tuhan Na Markuaso i ma mangapoi Sion jana mimili Jerusalem.’ ”

ZAKARIA 1:17 Referans Kwoze

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

ZAKARIA 2:12

Sanoli nari gabe nampuna hapunjungan ni Tuhan ma Juda di tanoNia na badia i, jana Jerusalem gabe kota na sumurung dihaholongi Ia.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

OBAJA 1:20

Mulak ma halak Israel na di Utara sian habuangan jana inganan ni halahi ma Punisia lalu tu Sarfat. Angka halak Jerusalem na hona buang tu Sardis, mulak noma i jana taluhononna angka kota na di bagian Selatan ni Juda.

JEHESKIEL 36:33

Didok Tuhan Debata i ma, “Dung ias hamu Hubaen sian sasude dosamunu, paloasonKu ma hamu mangulahi maringanan di angka kotamunu dohot mambangun sego-segona i mangulahi.

JESAYA 66:13

ApoanKu ma hamu di Jerusalem, songon ina na mangapoi dakdanakna.

JESAYA 54:8

Hara ni parpiar ni murukKu, Hutabunihon bohingKu, santongkin maradopkon ho. Tapi patuduhononKu ma tu ho holong ni rohangKu salolot ni lolotna.” Songon i ma na Hudok, Au Debata Sipalua ho.

JESAYA 52:9

Ale sego-sego ni Jerusalem, marsurak ma marjop ni roha! Angke dipalua Tuhan bangsoNia jana diapoi Ia.

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

MASMUR 69:35

PaluaonNia noma Sion, jana pajongjongonNia mangulahi angka kota ni Juda. Maringanan disi noma bangso i; tano i gabe halahi noma nampunasa,

NEHEMIA 11:20

Rayat Israel, angka malim dohot angka halak Levi na asing i, maringanan di tano ni halahi ma i di angka kota na marragam na adong di Juda.

EPESUS 1:4

Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,

ZAKARIA 3:2

Didok Surusuruan ni Tuhan ma tu Sibolis i, “Sai diuhum Tuhan ma ho, ale Sibolis! Sai diuhumi Tuhan na manghaholongi Jerusalem i ma ho. Nada he surpu na nitarik sian api do ia?”

AMOS 9:14

ObanonKu ma mangulahi bangsongKi tu tano ni halahi. Bangunon ni halahi mangulahi angka kota ni halahi na marsegoan lalu buang disi. Suanan ni halahi ma anggur baen inumon ni halahi dohot angka suan-suanan baen panganon ni halahi.

JEREMIA 33:13

Di angka kota na di tano partoran di pat ni angka dolok, di tano Negeb, dohot di Luat Benyamin dohot di angka huta na adong humaliang Jerusalem, dohot di angka kota na di Juda, etongon ni halak ma bilangan ni angka biri-biri ni halahi. Au Tuhan, madung mandok songon i.”

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

NEHEMIA 11:3

Di angka kota na asing i, maringanan di tanona sandiri be do rayat ni Israel, angka malim, angka halak Levi, angka parkarejo di Bagas Ni Tuhan dohot pomparan ni angka pangoloi ni si Salomo di angka kota ni halahi be. Anggo halak Juda dohot Benyamin maringanan di Jerusalem do.

ZAKARIA 1:14

jana disuru surusuruan i ma au palaluhon sanga aha na nidok ni Tuhan Na Markuaso i, “Holong situtu do rohangKu mida kota Jerusalem, jana Huparrohahon situtu do kotangKu na badia i.

ZAKARIA 1:18

Dung i manatap ma au adop gincat, huida ma opat tanduk ni lombu.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”