ZAKARIA 1:16 - BIBEL JAMITA NA DENGGAN

¹⁶ Hara ni i songon on do hata ni Tuhan, “Madung marpangulahi rohangKu tu Jerusalem; angkon paulion muse BagasKu di tonga ni kota i, ninna Tuhan Na Markuaso, jana tarikon ma hotang pangukur humaliang Jerusalem.”

ZAKARIA 1:16 Referans Kwoze

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

ZAKARIA 4:9

Ninna ma, “Madung dipayakkon si Zerubabel ojahan ni BagasKu, jana pasidungonnia ma sude bangunan i. Muda tulus tarjadi i, botoon ni bangsongKu ma, bahaso Au do na marsuru ho ale Zakaria tu halahi.

JEHESKIEL 47:3

Di na lalu marsuhat ia dohot tungkot pangukurnia i, lalu dioban ia ma au paihut-ihut pardalan ni aek i tu Habincaran lima ratus meter daona, jana disuru ia ma au taripar. Anggo di inganan i hum olat ni tambihul do bagas ni aekna i.

JEHESKIEL 40:3

Dioban Ia ma au tusi jana huida ma sada bayo na marsinondang songon tumbaga na jongjong di lambung ni pintu ni horbangan i. Ditiop ia di tangannia tali pangukur sian abit linen dohot hayu parsuhat.

JOB 38:5

Ise dehe na manontuhon bidang ni portibi? Ise ma na patangging tali parsuhat ni i? Diboto ho dehe mangalusi?

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

JESAYA 34:11

Sipauk dohot undan noma na maringanan disi. Kosong ma baenon ni Tuhan tano i jana harsang songon na salpu i dompak so panompaon.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

JEREMIA 30:18

Songon on ma hata ni Tuhan, “Satutuna, mulak ma obanonKu angka na tarbuang sian parbandaran ni si Jakob. Jana marpangulahi rohangKu mida angka ingananna; jana angkon paulion mangulahi kota i di gincat ni roncoanna hian, jana bagas godang i angkon jongjong di ingananna hian.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

ZAKARIA 2:6

Aha dope, marlojong ma hamu sian tano na di Utara, ninna Tuhan, harana madung Hupaserak hamu adop opat haroro ni alogo, ninna Tuhan.