ZAKARIA 1:11 - BIBEL JAMITA NA DENGGAN

¹¹ Dipaboa halahi ma sude tu Surusuruan i, “Madung hami bolusi sude sisik ni portibi on, hape na sonang do sude tano on hara ni na dung ditaluhon.”

ZAKARIA 1:11 Referans Kwoze

ZAKARIA 1:10

Halak na jongjong di tonga-tonga ni hayu dulang-dulang i mulai manghatai, ning ia ma, “On ma halahi sude na nisuru ni Tuhan giot manghaliangi tano on!”

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”

ZAKARIA 1:8

Di sada parnidaan taran borngin-borngin, huida ma sada halak manaek sada kudo na rara. Maradian ma ia di sada holbung di tonga-tonga ni hayu dulang-dulang. Jongjong ma di pudina i angka kudo na asing, adong na rara, na mera jambu dohot na bontar.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 13:49

Songon i ma pangalahona di ari na parpudi. Marroan ma angka surusuruan manyirang halak parjahat sian halak na patuluskon na nipangido ni roha ni Debata.

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

ZAKARIA 6:7

Di na haruar kudo sibolang i, songon na so sobar be idaon halahi laho kehe mandalani sude tano on. Didok surusuruan i ma, “Kehe ma ne hamu mandalani sude tano on!” Jadi kehe ma halahi.

DANIEL 10:20

Dung i ning ia ma, “Diboto ho dehe sanga hara ni aha umbaen na ro au tu ho? Santongkin nari mulak do au laho marporang dohot pamimpin ni halak Persia, jana dung sidung au maralo dohot halahi, gabe marroan ma angka pamimpin ni halak Junani.

JESAYA 14:7

Ujungna gabe aman jana dame noma sude portibi on, jana marende ma sude jolma marjop ni roha.

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

JOB 1:7

Disapai Tuhan ma tusia, “Sian dia ho?” Dialusi Sibolis ma, “Na baru madang-adang dope au pahae-pahulu jana hubolusi sude portibi.”