TITUS 3:8 - BIBEL JAMITA NA DENGGAN

⁸ Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

TITUS 3:8 Referans Kwoze

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

TITUS 1:9

Angkon halak na togu marsitiopan tu hata na tutu, i ma jamita sihaporsayaan songon na niajarkon i tusia. Jadi dohot dalan na songon i malo ma ia paingot halak hombar tu pangajaran na sintong jana malo ma ia manudu hasalaan ni halak na mangalo tusia.

TITUS 3:1

Paingot ma sudena ruasmu anso tunduk halahi tu angka pamimpin dohot na markuaso di negara, jana mangoloi dohot na patuluskon sandok na denggan.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

SURAT NI SI PAULUS TU PARLAGUTAN ROM 4:5

Tapi muda adong halak na so markarejo, hape porsaya tuSia na patigorkon halak pardosa, diparetongkon ma haporsayaannia i gabe hatigoran.

JOHANNES 12:44

Dung i didokkon Jesus ma, “Sanga ise na porsaya tu Au, nada hum tu Au porsaya halahi tapi dohot do tu na marsuru Au.

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

PILEMON 1:11

Najolo nada adong gunania be di ho, tapi anggo saonnari madung marguna situtu, nada hum di ho sajo, tapi dohot do di au.

MASMUR 78:22

dibaen nada porsaya halahi tuSia, di kuasoNia na tuk paluahonsa.

PODA 21:28

Mago do saksi pargabus; tapi martarimo do hatorangan ni na umboto parsoalan i.

2 KORINTUS 4:13

Adong do tarsurat songon on, “Porsaya au, gabe hara ni i do mangkobari au.” Jadi, hara ni haporsayaan na songon i do mandok hata hami, angke porsaya do hami antong.

BAENON NI ANGKA RASUL 12:15

Jadi didok halahi ma tu dadaboru i, “Na lalaen do ho!” Tapi laing digogohon ia do mandok, na tutu do i. Jadi didok halahi ma, “Surusuruannia do da i!”

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

TITUS 2:7

Jana ho sandiri pe, angkon patuduhononmu do parange na denggan na gabe tiruan di sude pangalaho. Muda mangajari ho, angkon tigor do baenonmu.

IBRANI 10:24

Jana marsipamanatan ma hita sama hita anso tarbaen hita marsiparinggasan patupahon angka na denggan dohot patuduhon holong marsihaholongan.

MATEUS 20:4

Jadi didok ia ma tu halahi, ‘Dohot ma hamu kehe markarejo di kobun anggurki. Hulehen pe upa na patut di hamu.’