TITUS 3:6 - BIBEL JAMITA NA DENGGAN

⁶ Diduruskon Debata do TondiNia i tu hita markite-hite Jesus Kristus i, di hita,

TITUS 3:6 Referans Kwoze

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

BAENON NI ANGKA RASUL 10:45

Homang ma roha ni halak Jahudi na dung porsaya i tu Jesus, i ma na rap dohot si Petrus i, na marnida bahaso dilehen Debata do muse Tondi Parbadia tu bangso na asing.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JOHANNES 16:7

Torus torang ma Hupaboa tu hamu: Maruntungan do hamu muda kehe Au; harana anggo so kehe Au, nada tulus ro Pangurupi i tu hamu. Tapi muda kehe Au, suruhononKu ma Ia ro tu hamu.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

PODA 1:23

Patinggil ma pinggolmu muda hupaingot ho. Lehenonku ma sipaingot na denggan jana ajarkononku parbinotoan tu ho.

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.

EPESUS 4:2

Angkon martoruk ni roha do hamunu, lambok jana sobar. Patuduhon hamu ma holong ni rohamunu di na marsiurupan na sada tu na asing.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

SURAT NI SI PAULUS TU PARLAGUTAN ROM 8:2

Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.