TITUS 3:4 - BIBEL JAMITA NA DENGGAN

⁴ Tapi madung dipatuduhon Debata Sipalua hita, holong dohot denggan ni rohaNa tu hita.

TITUS 3:4 Referans Kwoze

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

TITUS 1:3

Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

2 TIMOTEUS 1:10

Jana saonnari dipatidahon Debata ma denggan ni rohaNia i tu hita sian haroro ni Sipaluanta Kristus Jesus. Ditaluhon Jesus do kuaso ni hamatean jana dilehen Ia ngolu na so ra mantak markite Jamita Na Denggan i.

1 TIMOTEUS 2:3

Denggan do tangiang na songon i, angke jop do roha ni Debata Sipalua hita, di na songon i.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

LUKAS 1:47

marmoga-moga rohangku hara ni Debata Sipatorkiskonku.

1 PETRUS 2:3

Tarsurat do di Buku Na Badia i songon on, “Madung dihilala hamu sanga songon dia hadengganan ni Tuhan i.”