TITUS 3:3 - BIBEL JAMITA NA DENGGAN

³ Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

TITUS 3:3 Referans Kwoze

KOLOSSE 1:21

Najolo dao do hamu sian Debata. Marmusu do hamu tuSia di bagasan parange dohot pikiranmunu na jahat i.

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

KOLOSSE 3:7

Hamu sandiri pe najolo diihutkon hamu do angka hagiot na songon i, hatiha dirajai ia ngolumunu.

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

1 PETRUS 1:14

Songon dakdanak na mangoloi poda ma hamu, jana ulang be mangoloi hagiotmunu najolo i ngolumunu, i ma dompak so ditanda hamu Debata.

PODA 9:6

Tadingkon ma halak na oto, anso mangolu hamu; jana ihutkon ma dalan ni halak na marroha.”

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

JOHANNES 8:34

Dialusi Jesus ma, “Tutu do na Hudok di hamu. Sude halak na mambaen dosa, i ma da hatoban ni dosa.

MATEUS 21:29

Jadi dialusi anaknia i ma, ‘Inda ra au,’ ning ia. Tapi maruba muse ma roha ni anaknia i gabe kehe ma ia tu kobun anggur i.

MASMUR 36:2

Hara ni ginjang ni rohana, diambang ia na so diboto Tuhan dosania jana nada uhumanNa ia.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

OBAJA 1:3

Maoto ma ho baenon ni rohamu na gutgut i. Benteng na togu do nian kota sabunganmu; ingananmu pe di puncu ni dolok na gincat do. Hara ni i gabe marpikir ma ho, ‘Ise ma he na bisa mandabuhon Au?’

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

SURAT NI SI PAULUS TU PARLAGUTAN ROM 6:6

Dibaen madung taboto, madung diparsilangkon hajolmaonta na honok i, anso mago gogo ni dosa na disi jana ulang diparhatoban dosa i be hita.

SURAT NI SI PAULUS TU PARLAGUTAN ROM 6:12

Antong ulang be paloas hamu dosa i mangarajai pamatangmunu na ra mate i, anso ulang dioloi hamu be hagiotna na jahat i.

SURAT NI SI PAULUS TU PARLAGUTAN ROM 11:30

Najolo nada mangoloi Debata hamu. Hape saonnari madung dapotan asi ni roha do hamu, hara ni na so ra halak Jahudi mangoloi.

2 TIMOTEUS 3:6

Adong do deba sian halahi na dung manyisip masuk tu bagas ni halak, manarik roha ni angka dadaboru na gale, na bahat dosana jana na nirajaan ni hagiot na marrupa-rupa.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

TITUS 2:12

Na mangajari hita do hadengganan ni roha ni Debata i anso ulang be maralo ngolunta tu hagiot ni Debata jana nada be mangihutkon hagiot ni portibi on; diajari do hita anso malo hita mangarajai dirinta, tigor jana manghaholongi Debata.

PAMUNGKAAN 38:9

Tapi diboto si Onan do, na so ia puna angka dakdanakna i muse. Jadi, ganop marcampur ia dohot tinggal-tinggalan ni angkangnia i, sai dipadiar ia do sampak tu tano samenia i anso ulang adong pomparan di angkangnia i.

PAMUNGKAAN 39:16

Di lambungnia ma dipayakkon ia juba i lopus mulak halaklahinia i.