TITUS 2:11 - BIBEL JAMITA NA DENGGAN

¹¹ Harana madung dilehen Debata asi ni rohaNia laho paluahon jolma sudena.

TITUS 2:11 Referans Kwoze

1 TIMOTEUS 2:4

GiotNia ulang so nipalua halak sudena jana rap umboto di na sintong,

EPESUS 2:8

Angke hara ni asi ni roha do malua hamu markite-hite haporsayaan, nada hara ni gogomunu sandiri, tapi silehen-lehen ni Debata do i;

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

SURAT NI SI PAULUS TU PARLAGUTAN ROM 5:15

Tapi silehen-lehen ni Debata nada sarupa dohot pangalaosion ni si Adam. Hara ni pangalaosion ni sisada halak i gabe bahat mate jolma dibaensa. Hape dao gumodang dope akibat ni asi ni roha ni Debata dohot silehen-lehenNia na dung diusehon Ia tu bahat halak hara ni Sada Halak, i ma Jesus Kristus.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

LUKAS 3:6

Idaon ni halak na satano on ma haluaan na sian Tuhan!’ ”

1 TIMOTEUS 1:14

Hape asi ni roha ni Tuhanta i madung dipasupasuhon marlobi-lobi tu au. Dilehen Ia do i marhite haporsayaan dohot holong ni roha di bagasan Kristus Jesus.

SURAT NI SI PAULUS TU PARLAGUTAN ROM 5:2

Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.

GALATIA 2:21

Nada huambungkon silehen-lehen ni Debata. Muda gabe denggan do mangulahi parsambungan ni Debata dohot jolma hara ni na nidalankon ni halahi Tona i, antong nada adong be gunana mate Kristus.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

BAENON NI ANGKA RASUL 13:47

Angke songon on do diparentahon Tuhan tu hami di na nidokNia, ‘Madung Hutontuhon hamu gabe sada sondang tu angka bangso na asing na so Jahudi; anso paroonmunu haluaan tu na satano on.’ ”

BAENON NI ANGKA RASUL 13:43

Dung haruar halak na bahat i sian bagas paribadatan i, bahat ma halak Jahudi mangihutkon si Paulus dohot si Barnabas. Dipaingot rasul si dua halak i ma halahi anso marpos ni roha tu asi ni roha ni Debata halahi.

JOHANNES 1:9

Torang na tutu na manorangi sandok jolma, ro tu portibi on.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

SURAT NI SI PAULUS TU PARLAGUTAN ROM 10:18

Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

MASMUR 67:2

anso nian ditanda dalanMu di sude tano on, jana kuasoMu na paluahon i diboto sude bangso.

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

2 TIMOTEUS 1:10

Jana saonnari dipatidahon Debata ma denggan ni rohaNia i tu hita sian haroro ni Sipaluanta Kristus Jesus. Ditaluhon Jesus do kuaso ni hamatean jana dilehen Ia ngolu na so ra mantak markite Jamita Na Denggan i.