TITUS 2:10 - BIBEL JAMITA NA DENGGAN

¹⁰ sanga manangko. Angkon patuduhonon ni halahi do na tongtong halahi denggan jana burju; anso dipuji halak pangajaran taringot tu Debatanta Sipalua i hara ni pambaenan ni halahi.

TITUS 2:10 Referans Kwoze

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

1 PETRUS 3:16

Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.

TITUS 1:3

Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

1 TIMOTEUS 6:3

Adong do halak na mangajarkon asing sian i jana na so satujuan muse tu pangajaran na sintong na sian Tuhanta Jesus Kristus. Nada satuju muse halahi tu pangajaran ni ugamonta.

1 TIMOTEUS 6:1

Angka halak Kristen na gabe hatoban, angkon etongon ni halahi do na patut nihormatan tuan ni halahi i anso ulang tarpajatjat halak Debata sanga pe pangajaranta.

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

LUKAS 16:10

Sanga ise haposan di angka pangalaho na menek, haposan muse ma ia di angka pangalaho na godang. Tapi anggo halak na so jujur di angka pangalaho na menek, nada jujur muse i di angka pangalaho na godang.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

MASMUR 101:6

Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

1 SAMUEL 26:23

Sai na pasupasuon ni Tuhan do ganop halak na burju jana na tigor. Angke haru pe dipasahat Tuhan raja i sadari on tu au, tapi na so ra do au mambaen jahat maradopkon raja na nipili ni Tuhan.

1 TIMOTEUS 5:17

Angka sintua na denggan markarejo songon pamimpin, patut do lehenon dua noli lompit sangap tu halahi, lumobi angka na ringgas marjamita dohot mangajari.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

1 SAMUEL 22:14

Jadi dialusi si Ahimelek ma, “Panglima na umburju do si Daud di raja i! Babere ni raja i sandiri do antong ia, kapala ni pangawal ni raja i sandiri, jana na diparsangapi ni sude halak na adong di bagas godang ni raja i tusia.

JOHANNES 12:6

Didok si Judas pe songon i nada na mangarohahon halak na pogos ia, tapi hara ni na panangko do ia. Madung somal ia mambuati hepeng sian hepeng ni halak na dipasimpankon disia.)

LUKAS 1:47

marmoga-moga rohangku hara ni Debata Sipatorkiskonku.

LUKAS 1:80

Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.

TITUS 3:4

Tapi madung dipatuduhon Debata Sipalua hita, holong dohot denggan ni rohaNa tu hita.