TITUS 1:9 - BIBEL JAMITA NA DENGGAN

⁹ Angkon halak na togu marsitiopan tu hata na tutu, i ma jamita sihaporsayaan songon na niajarkon i tusia. Jadi dohot dalan na songon i malo ma ia paingot halak hombar tu pangajaran na sintong jana malo ma ia manudu hasalaan ni halak na mangalo tusia.

TITUS 1:9 Referans Kwoze

2 TESSALONIKA 2:15

Antong hamu ale angka dongan, sai tongtong ma hamu burju jana togu marsitiopan tu pangajaran na dung hami pasahat tu hamu markite-hite hata bope dohot suratnami.

2 TIMOTEUS 1:13

Haburjuhon ma mangihutkon pangajaran na tutu na dung huajarkon i tu ho. Jana porsaya ma ho tongtong dohot marholong ni roha, angke na dung mardomu do ho dohot Jesus Kristus.

1 TIMOTEUS 6:3

Adong do halak na mangajarkon asing sian i jana na so satujuan muse tu pangajaran na sintong na sian Tuhanta Jesus Kristus. Nada satuju muse halahi tu pangajaran ni ugamonta.

1 TIMOTEUS 1:10

tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

TITUS 2:1

Tapi anggo ho Titus, ajarkon ma pangajaran na denggan.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

2 TIMOTEUS 4:3

Angke angkon ro do hatihana na so ra be halak manjagit pangajaran na sintong. Gumonan noma hagiot ni halahi sandiri ihutkonon ni halahi, jana gabe palaguton ni halahi ma angka guru laho mangajarkon angka pangalaho na tabo begeon ni pinggol ni halahi.

1 TESSALONIKA 5:21

tapi tangkasi hamu ma sasudena, jana togu ma tiop hamu na denggan i.

PODA 23:23

Angka tona ni Tuhan, bisuk, pangajaran, dohot pangastuion patut do tobusan sudena i, tapi maargatu do i gadison.

JOB 2:3

Disapai Tuhan ma, “Madung he dipamanat ho si Job naposongKi? Di sude portibi, nada adong na songon ia burjuna dohot denggan ni rohana. Marsomba tu Au do ia jana saotik pe nada adong dibaen ia hajahatan. Laing hot do setia ia tu Au, haru pe na dung nielekmu Au laho mangago ia sian na so dalanna.”

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.

HALUMBAAN 2:25

Tapi tiop hamu ma na adong di hamu lopus ro Au.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

2 TIMOTEUS 2:2

Pangajaran na nibegemu sian au di jolo ni halak na bahat, pasahat ma i tu angka dongan sanga ise na tarhaposi roha jana na malo mangajari halak na asing.

1 TIMOTEUS 4:9

Denggan do on sude nijagit jana tutu situtu nihaporsayaan.

1 TIMOTEUS 1:19

marhite haporsayaan dohot roha na ias. Adong do deba halak na so parduli di sora ni taroktokna, jadi gabe mago do haporsayaan ni halahi.

BAENON NI ANGKA RASUL 18:28

Angke hara ni sahalania, ditaluhon si Apollos do halak Jahudi di angka na marsoal-soal i di jolo ni halak na bahat. Jana tangkas do dipatuduhon ia angka ayat sian Buku Na Badia i laho mambuktihon bahaso na tutu do Jesus i Kristus.

JOB 27:6

Laing na marsitiopan do au tu pangoloionku, jana rohangku pe di bagasan laing na ias do i tutu.

1 KORINTUS 14:24

Tapi sugari sude hamu manyurirangi masuk muse ma sahalak na so Kristen sanga halak na asing, jadi sude angka na nipajojormunu i patandahon angka dosania ma i jana mambaen ia gabe mangoku angka dosania i.

2 TIMOTEUS 3:14

Tapi anggo taringot tu ho Timoteus, marsitiopan tu angka pangajaran na tutu i ma ho, na dung niajarkon tu ho jana na nihaporsayaanmu situtu; harana diboto ho do sanga ise angka gurumu.