TITUS 1:15 - BIBEL JAMITA NA DENGGAN

¹⁵ Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

TITUS 1:15 Referans Kwoze

SURAT NI SI PAULUS TU PARLAGUTAN ROM 14:14

Huboto do jana porsaya do au di bagasan Tuhan Jesus, na so adong sanga aha na hodar sian dirina humani; tapi gabe hodar ma i di sada-sada halak, muda hodar i dihilala ia.

SURAT NI SI PAULUS TU PARLAGUTAN ROM 14:20

Ulang ma hara ni angka sipanganon, gabe disego-sego hamu na nikarejohon ni Debata. Tutu do, ias do sude sipanganon; tapi muda patunda ni na nipanganmunu do gabe mardosa halak na asing, hamu do na sala disi.

1 KORINTUS 10:23

Ninna halak, “Tola do baenonta sanga na aha giotta.” Tutu do i! Tapi nada sude giotta i marguna. “Tola do baenonta sanga na aha giotta” – tapi nada sude na tahagioti i padenggankon ngolunta.

MATEUS 15:18

Tapi anggo na ruar sian pamangan ni halak, i ma na ro sian rohana. I do na pahodarkon ia.

SURAT NI SI PAULUS TU PARLAGUTAN ROM 14:23

Tapi sanga ise halak na ganggu rohana laho mangankon sanga aha, hape laing dipangan ia muse sipanganon i, hona uhum do, angke nada markite-hite haporsayaan dikarejohon. Angka na so tubu sian haporsayaan, dosa do i.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

BAENON NI ANGKA RASUL 10:15

Didok sora i ma mangulahi tusia, “Sanga aha na nihalalkon ni Debata, ulang ma etong na haram i.”

1 KORINTUS 8:7

Tapi nada sude halak umboto i. Adong dope halak na tarihot tu gana-ganaan, mangankon juhut songon na nihaulkon tu gana-ganaan, jana na gale dope panggora ni roha ni halahi. Hara ni i gabe dihodari ma panggora ni roha i.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

1 KORINTUS 10:25

Tola do sude panganonmunu sanga juhut aha na digadis di pajak daging. Ulang pola jolo tangkasi hamu, haru adong pe panggora di bagasan rohamunu.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

PODA 21:4

Mardosa do halak parjahat i, hara ni na nirajaan ni bulbul dohot ginjang ni roha i.

HAGAI 2:13

Dung i marsapa ma si Hagai mangulahi, “Sugari rupani adong sada halak na gabe hodar hara ni na dais ia tu bangke, dung i dais muse ma ia tu sada sian sipanganon nangkin, gabe dohot dehe sipanganon i hodar muse?” Dialusi angka malim i ma, “Olo, antong!”

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

PODA 30:12

Adong do halak na mangetong ias dirina hape nian na santak do hodarna.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.