TITUS 1:10 - BIBEL JAMITA NA DENGGAN

¹⁰ Harana bahat do halak na so ra mangoloi, lumobi na marugamo Jahudi hian; dipalilu-lilu halahi do halak na asing markite-hite hata-hata ni halahi na so marguna.

TITUS 1:10 Referans Kwoze

1 TIMOTEUS 1:6

Adong do deba halak, na so songon i be ngoluna. Lilu do halahi di angka hata na so marguna.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

GALATIA 2:4

haru pe bahat angka pangalancap na marsuru ia mambaen songon i. Angka halak na manyisip-nyisipi do i tu hita jana dipaula-ula halahi ma songon na donganta halahi. Disisipi halahi ma masuk tu hita laho manangkasi sanga na bia pangalaho ni haluaan na adong di hita hara ni hasadaonta dohot Kristus Jesus. Na giot paulakkon hita do halahi tu pangalaho na parjolo, i ma na gabe hatoban muse,

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

BAENON NI ANGKA RASUL 11:2

Jadi dung manangkok si Petrus tu Jerusalem hona hata ma ia dibaen halak Jahudi na porsaya i. Didok halahi ma,

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.

HALUMBAAN 2:6

Tapi haru songon i pe, laing adong dope na denggan di hamu; i ma: Dohot do hamu mangkagigihon pambaenan ni halak na mangihutkon si Nikolaus, na Huhagigihon i.

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

2 TIMOTEUS 4:4

Dipahusor halahi do pinggol ni halahi sian na sintong, tapi patinggilon ni halahi do i tu angka turiturian na so tutu.

1 TIMOTEUS 1:4

Paingot ma halahi, anso ulang sai kehe be roha ni halahi tu angka turi-turian bope angka barita ni asal mula na so marnasidung. Hum parohon partangkangan sajo do i jana nada mambaen maju sangkap ni Debata na bisa taboto hum sian haporsayaan sajo.

GALATIA 3:1

Hamu ale angka halak Galatia na oto! Ise dehe na mangula-ulai hamu? Madung hupajojor taringot tu hamamate ni Kristus di parsilang i satorang-torangna.

BAENON NI ANGKA RASUL 20:29

Angke disi kehe au, marroan ma angka sorigala panyoro tu tonga-tongamunu. Jana halak na nijagoanmunu i, i ma na giot soroon ni angka sorigala i.

BAENON NI ANGKA RASUL 15:1

Adong ma piga-piga halak sian Judea ro tu Antiokia, mangajari ma halahi tu angka na porsaya na di kota i mandok, “Nada dapotan haluaan hamu, muda so jolo disunat mangihutkon adat na niajarkon ni si Musa.”

BAENON NI ANGKA RASUL 15:24

Hami bege do adong sian hami on na ro mandapotkon hamu jana mambaen gurgar rohamunu jana gaor pikiranmunu hara ni na niajarkon ni halahi i. Hape nada na hami suru halahi.

1 TIMOTEUS 1:9

Angkon laing ingoton do, dibaen pe angka Tona ni ugamo i, nada na giot di halak na burju, tapi na giot tu halak pangalanggar Tona do i, tu angka na jahat, tu halak na so mananda Tuhan, tu halak pardosa, tu halak na so marugamo, tu parroha portibi, tu halak sibunu simatobangna, tu angka sibunu jolma,

TITUS 1:6

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.

1 JOHANNES 2:4

Sanga ise na mandok, “Hutanda do Debata,” hape nada dioloi ia angka tona ni Debata, pargabus do halak na songon i, jana na so adong do maringanan jamita na sintong i na sian Debata di bagasan rohania.

MATEUS 23:14

Marjaya ma hamu angka Siboto Surat dohot hamu halak Parise: Pangalancap do hamu! Dijalahi hamu do akal laho paoto-otohon dohot mambuat bagas ni angka ina na mabalu. Tar dibaen-baen hamu ma martangiang ginjang-ginjang laho manutup-nutupi i. I ma umbaen na angkon umborat uhuman tu hamu!]