RUT 4:12 - BIBEL JAMITA NA DENGGAN

¹² Sai gabe songon keluarga ni si Peres anak ni si Juda dohot si Tamar i ma nian angka dakdanak na giot silehenon ni Tuhan di ho sian boru na poso on.”

RUT 4:12 Referans Kwoze

PAMUNGKAAN 38:29

Tapi ditarik dakdanak i ma mangulahi tanganna i jana parjolo ma sorang donganna i. Dung i didok bidan i ma, “Jadi songon i ma dibaen ho manompas laho ruar!” Jadi dibaen ia ma goar ni na parjolo sorang i, si Peres.

1 SAMUEL 2:20

Jadi dipasupasu si Eli ma si Elkana dohot dadaborunia i jana didok ia ma tu si Elkana, “Sai dilehen Tuhan ma anak muse di ho sian dadaborumon laho manggonti anak na dung nilehenmon tu Tuhan.” Dung salpu i mulak ma halahi tu Rama.

MATEUS 1:3

si Peres dohot si Zerah (inangna margoar si Tamar), si Hesron, si Ram,

PAMUNGKAAN 46:12

Si Juda; dakdanaknia: Si Sela, si Peres dohot si Zerah (anak ni si Juda deba nari, i ma mandiang si Er dohot si Onan na mate di Kanaan). Dakdanak ni si Peres: Si Hesron dohot si Hamul.

RUT 4:18

Jana on ma tarombo ni si Daud mamungka sian si Peres, i ma: Si Peres, manubuhon si Hesron,

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.