RUT 3:7 - BIBEL JAMITA NA DENGGAN

⁷ Dung sidung si Boas mangan dohot minum di bagasan jop ni roha kehe ma ia modom tu inganan panimbunan ni burir-burir i. Sip-sip ma ro si Rut mambuka ulos ni si Boas, lalu dipapayak ia ma di lambung patna i.

RUT 3:7 Referans Kwoze

ESTER 1:10

Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

HAKIM-HAKIM 19:6

Jadi juguk ma halahi rap mangan minum. Lalu didok amang ni anak boru i ma tu halak Levi i, “Marsonang-sonang ma jolo hami lopus borngin.”

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

HAKIM-HAKIM 19:9

Dung i, di na giot kehe halak Levi i dohot rading bope hatobanna i sanoli nari, didok amang ni anak boru i ma, “Eh, na giot borngin noma saonnari. Golap ma santongkin nari. Gumonan ma dison hamu marborngin jana marsonang-sonang. Ancogot ma hamu kehe manyogot jana mulak tu bagasmunu.”

PARJAMITA 10:19

Pesta mambaen martata, jana anggur mambaen marmoga-moga. Tapi porlu do hepeng laho manggararisa.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

1 RAJA-RAJA 21:7

“Raja do ho!” ning si Isebel. “Ngot ma ho anso mangan. Pasonang ma rohamu, harana hulehen pe di ho kobun anggur ni si Nabot i!”

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”

HAKIM-HAKIM 16:25

Songon i ma jop ni roha ni halahi, gabe didok halahi ma, “Dioban ma da si Simson tuson anso taparmayam-mayam ia.” Jadi gabe dialap ma si Simson sian hurungan jana disuru ma ia jongjong di antara dua tiang na bolon lalu diparmayapkon halahi ma ia.

PAMUNGKAAN 43:34

Sian meja ni si Josep ma dibaen panganon ni halahi, jana tu si Benyamin lima noli umbahat dibaen pangoloi i sian angka angkangna i. Jadi mangan minum ma halahi rap dohot si Josep lopus butong be.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

RUT 3:6

Jadi kehe ma si Rut tu inganan ni na markarejo mambanting burir-burirna i. Dipatulus ia ma disi sude na nidok ni namborunia i tusia.

RUT 3:8

Tonga borngin i ompot ma si Boas tarsunggul boti laho pabalikkon pamatangnia. Tarsonggot ma ia di hatiha i marnida sada anak boru modom disi.