RUT 2:4 - BIBEL JAMITA NA DENGGAN

⁴ Nada sadia lolot, ro ma si Boas sian Betlehem laho manghoras-horasi angka parkarejo i. “Sai didongani Tuhan ma hamu,” ning ia. Dialusi angka parkarejonia i ma, “Sai dipasupasu Tuhan ma ho amang.”

RUT 2:4 Referans Kwoze

2 TESSALONIKA 3:16

Tuhan i do haroroan ni hasonanganta. Sai tongtong ma dilehen Ia hasonangan di hamu markite-hite dalan na marragam. Sai didongani Tuhan ma hamu sudena.

LUKAS 1:28

Jadi ro ma surusuruan i tu si Maria mandok, “Horas ma di ho, bujing-bujing na nipasupasu ni Tuhan! Sai rap do Tuhan i dohot ho!”

HAKIM-HAKIM 6:12

Ro ma Surusuruan Ni Tuhan i mandapotkon ia jana didok ma, “O doli-doli na jagar! Rap dohot ho do Tuhan!”

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

MASMUR 118:26

Dipasupasu ma ia na ro di bagasan goar ni Tuhan, hami pasupasu ma hamu sian Bagas Ni Tuhan.

RUT 4:11

Didok angka hatobangon dohot halak na deba nari i ma, “Olo, hami ma saksina. Sai dibaen Tuhan ma dadaborumi songon si Rahel dohot si Lea na manubuhon bahat anak di si Jakob. Sai gabe mamora ho nian di tonga-tonga ni angka halak na sian horong ni Marga Efrata jana gabe tarbonggal ho di Betlehem on.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

RUT 2:3

Jadi kehe ma si Rut manjomputi burir-burir na nipardekdekkon ni angka na markarejo di ladang i. Topet muse ma ia kehe tu ladang ni si Boas.

RUT 2:5

Dung i disapai si Boas ma tu mandurna i, “Ise anak boru i?”

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

BILANGAN 6:24

Sai dipasupasu jana dijagohon Tuhan i ma hamu.

HAKIM-HAKIM 6:16

“Pasti bisa do ho!” ninna Tuhan, “angke Au do na giot mangurupi ho. Mura do ropukkononmu angka halak Midian i tarsongon na mangadopi sada halak sajo baenonmu.”

1 SAMUEL 17:37

Na dung dipalua Tuhan do au sian singa dohot gompul, laing paluaonNia muse ma au sian halak Pilistin i.” Dung i didok si Saul ma tusia, “Antong denggan, sai didongani Tuhan ma ho nian.”

1 JUJUR TAON 2:51

Si Salma anaknia na paduahon, i ma na mamungka kota Betlehem; jana si Harep anaknia patoluhon, i ma na mamungka kota Bet-Gader.

MASMUR 134:3

Sai dipasupasu ma hamu sian Sion dipasupasu Tuhan, Sitompa langit dohot tano!

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’