RUT 1:16 - BIBEL JAMITA NA DENGGAN

¹⁶ Tapi dialusi si Rut ma, “Namboru, ulang ma da suru au mulak dohot manandingkon ho namboru! Ihutkononku do namboru. Sanga na tu dia namboru kehe, laing disi do au tinggal. Bangsomu noma bangsongku; jana Debatamu laing i muse ma Debatangku.

RUT 1:16 Referans Kwoze

2 SAMUEL 15:21

Tapi dialusi si Itai ma, “Na huparsangapi, mangasahon Tuhan na mangolu i bope hara ni hosa ni raja i, sanga na tu dia pe raja i kehe, laing dohot do au, haru pe na gabe hamatean na ro baenon ni i.”

MASMUR 45:10

O ale boru ni raja, bege jolo hatangku, halupahon ma bangsomu dohot ale-alemu.

MATEUS 8:19

Jadi ro ma sada Siboto Surat tuSia mandok, “Ale, Guru! Rap noma au dohot Ho, sanga tu dia pe Guru i kehe!”

JOHANNES 13:37

Didok si Petrus ma tuSia, “Biasi nada tarihutkon au Ho saonnari Tuhan? Ra do au mate humopkop Ho Tuhan!”

1 TESSALONIKA 1:9

Halahi sandiri do mamaritahon sanga na bia panjagitmunu di hami dompak na ro i hami manopot hamu. Dicaritohon halahi do sanga na bia panadingkonmunu di angka gana-ganaanmunu dohot haroromunu mandapotkon Debata na mangolu jana na tutu i laho marsomba tuSia.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

JOSUA 24:18

Jana di hatiha na masuk hita tu luat on, diusir Tuhan do morot sude halak Amori na maringanan dison. Jadi, giot mangoloi tu Tuhan do hami, angke Ia do antong Debatanta.”

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

RUT 1:15

Jadi gabe didok si Naomi ma tusia, “Ligi ma Rut! Ma kehe angkangmu tu bangsonia dohot tu angka debatania. Tole ma, ihutkon ia!”

RUT 1:17

Sanga na di dia marujung ngolu ni namboru, laing disi ma giotku mate dohot dikuburkon. Sai diuhumi Tuhan i ma au, lobi dope tehe sian i, muda adong sanga aha pe na manyirang au sian namboru, asing ni hamatean i!”

RUT 4:15

Dihaholongi parumaenmi do ho. Madung dilehen ia di ho lobi sian na tarlehen ni pitu halak anak halaklahi. Saonnari madung dilehen ia muse di ho sada pahompu halaklahi na giot mangalehen semangat na imbaru muse di ho laho mangolu, jana na giot markasayahon ho dung matobang ho.”

PODA 17:17

Sai na setia do ale-ale tu donganna; jana songon na markahanggi do halahi tu sitaonon.

RUT 2:6

Dialusi mandur i ma, “Boru sian bangso na asing do i na ro rap dohot si Naomi sian Moab.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.