RUT 1:1 - BIBEL JAMITA NA DENGGAN

¹ Di hatiha na markuaso angka Hakim di Israel, masa ma haleon potir di tano Israel. Hara ni i kehe ma sada bayo sian Betlehem di Juda dohot dadaborunia, rap dohot dua anaknia giot tinggal di Moab sanga na sadia lolot.

RUT 1:1 Referans Kwoze

PAMUNGKAAN 12:10

Tapi masa do haleon potir di tano Kanaan, jana sun ma hancitna pambaen ni bala i, gabe kehe ma si Abram mur dumao tu Selatan lalu tu tano Mesir, anso disi noma ia jolo maringanan sanga na sadia honok.

PAMUNGKAAN 26:1

Masa muse ma mangulahi haleon di luat i songon na masa di hatiha ni si Abraham. Mangadop ma si Ishak tu si Abimelek raja ni halak Pilistin i di Gerar mangidohon anso dipaloas ia maringanan disi.

JEHESKIEL 14:13

muda mardosa sada luat nada setia tu Au, na giot uhumanKu do negara i. RoncohononKu ma bohal simpanan ni halahi, Huparo haleon potir jana Hubunu jolmana bope pahan-pahananna.

HAKIM-HAKIM 17:8

Madung kehe ia sian Betlehem jana mardalan ma ia laho manjalahi tano siinganan na asing. Di pardalanan i, lalu ma ia di bagas ni si Mika di luat partoran Efraim.

HAMALIMON 26:19

Tarlobi do sombongmunu, tapi Au patunduk hamu. Nada ro be udan, gabe hiang ma tanomi pir songon batu.

PAMUNGKAAN 43:1

Mur jebu ma haleon i di Kanaan,

AMOS 4:6

Au do na pamasahon haleon potir tu sude kotamunu, hape nada mulak hamu tu Au.

MASMUR 105:16

Dipadondonkon Tuhan tu luat ni halahi haleon, jana dibuat sian halahi sude simpanan ni panganon.

PANGARATAION 28:38

Saburkononmunu ma bahat same, hape saotik sajo do suhana dapot ho, angke papanganan ni siapor do na nisuanmunu i.

JEHESKIEL 14:21

Didok Tuhan Debata i: “DabuhononKu ma uhuman na jumorbut tu kota Jerusalem laho mamusa jolma bope pahan-pahanan. Uhuman i, i ma: Porang, tangkuraparon, binatang panyoro dohot nyae.

JEREMIA 14:1

Didok Tuhan ma songon on tu au taringot tu logo ni ari na manangging,

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

1 RAJA-RAJA 18:2

Jadi kehe ma si Elia. Santak ma hatiha i haleon potir di Samaria.

HAKIM-HAKIM 12:8

Dung si Jefta, si Ebsan na sian Betlehem ma mamimpin halak Israel songon sada hakim.

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

HAKIM-HAKIM 17:7

Laing di hatiha i adong ma sada halak doli-doli sian Marga Levi jana marasal sian kota Betlehem na di tano Juda.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

1 JUJUR TAON 2:51

Si Salma anaknia na paduahon, i ma na mamungka kota Betlehem; jana si Harep anaknia patoluhon, i ma na mamungka kota Bet-Gader.

1 JUJUR TAON 2:54

Si Salma na mamungka kota Betlehem, ia ma na umpompar halak Netofa, halak Atarot-Bet-Joab dohot halak Zori, i ma sada sian na dua horong na maringanan di Manahti.