SURAT NI SI PAULUS TU PARLAGUTAN ROM 9:21 - BIBEL JAMITA NA DENGGAN

²¹ Nada he markuaso sitopa hudon i di tano liatnia, mambaen sian nasa ragam tano i sada hudon na sangap, bope sada na bile?

SURAT NI SI PAULUS TU PARLAGUTAN ROM 9:21 Referans Kwoze

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JESAYA 10:15

Tapi didok Tuhan ma, “Tarbaen pato ma he manggodangkon dirina maradopkon na mamakesa? Umporlu ma he gargaji ulang pado halak na mamakesa? Nanggo da potuk-potuk mangangkat halak, tapi halak do na mangangkat potuk-potuk.”

JESAYA 45:9

Marjaya ma halak na mangalo tu na manompa ia; songon topik-topik ni hudon sambing do ia! Bisa dehe dohonon ni hudon tano i tu na manopana, “Aha do na nibaenmu?” Sanga humolos na so malo na manopa ia?

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”