SURAT NI SI PAULUS TU PARLAGUTAN ROM 9:14 - BIBEL JAMITA NA DENGGAN

¹⁴ Antong bia ma ujungna dokkononta? Na so tigor do Debata? Anggo i, pasti do tigor Debata!

SURAT NI SI PAULUS TU PARLAGUTAN ROM 9:14 Referans Kwoze

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

MASMUR 145:17

Tigor do Tuhan i di sude tindakanNa, gok holong ni roha do Ia di sude na nibaenNa.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

MASMUR 92:15

I ma da tandana na tigor Tuhan, Ia do pangondianku, nada adong hageduhan diSia.

JOB 8:3

Na so unjung do dipageduk Debata hatigoran; na so jungada sial pajongjong habonaran.

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

SURAT NI SI PAULUS TU PARLAGUTAN ROM 3:1

Antong, aha dehe hasurungan ni halak Jahudi sanga aha guna ni sunat?

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

LUKAS 20:16

“Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

SURAT NI SI PAULUS TU PARLAGUTAN ROM 2:11

Harana, nada siida bohi Debata.

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.