SURAT NI SI PAULUS TU PARLAGUTAN ROM 8:22 - BIBEL JAMITA NA DENGGAN

²² Taboto do, lopus tu hatiha on, rap manaon do na nitompa i hara ni pardangolanna, songon ina na manaon na hancit di na giot sorang dakdanakna.

SURAT NI SI PAULUS TU PARLAGUTAN ROM 8:22 Referans Kwoze

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 12:11

Olo, madung Huida halahi mambaen tanongKu inganan na lungun di adopanKu. Madung buang sudena jana nada adong be na marningot.

JOHANNES 16:21

Muda giot sorang anak ni sada ina, marsak ma rohania hara ni na dung dapot hatihana manaon na hancit ia. Tapi disi sorang dakdanak i, manigor lupa ma ina i di na hancit i; marjop ni roha ma ia angke madung sorang sada dakdanak tu tano on.

SURAT NI SI PAULUS TU PARLAGUTAN ROM 8:20

Harana madung dipatunduk sude na nitompa i tu na so hasaya, nada nian hara ni por ni rohana, tapi hara ni hagiot ni Debata na patundukkon i do. Tapi laing adong dope arop ni roha on:

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

HALUMBAAN 12:2

Hatiha denggan ma topet pamatang ni anak boru i, jadi hara ni na dung giot dapot hatihana laho sorang anaknia gabe mangangguhi ma ia hara ni hancitna.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

MASMUR 48:6

Humitir be ma halahi mabiar disi jana mangae na hancit songon ina na giot di api.