SURAT NI SI PAULUS TU PARLAGUTAN ROM 7:7 - BIBEL JAMITA NA DENGGAN

⁷ Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

SURAT NI SI PAULUS TU PARLAGUTAN ROM 7:7 Referans Kwoze

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

SURAT NI SI PAULUS TU PARLAGUTAN ROM 4:15

Dibaen anggo Tona i manubuhon rimas ni roha; angke barang di dia nada adong Tona, nada adong disi pangalaosion.

1 KORINTUS 15:56

Anggo corot ni hamatean i, i ma dosa jana kuaso ni dosa i, i ma Tona i.

PANGARATAION 5:21

Ulang marpor ni roha tu dadaboru ni donganmu jolma, ulang marpor ni roha di bagasna, tanona, bope naposona halaklahi, bope naposona dadaboru; bope di lombuna, bope di halodena, bope sanga aha nampuna ni donganmu jolma.’

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

SURAT NI SI PAULUS TU PARLAGUTAN ROM 7:8

Hara ni angka parenta i, gabe sai dipasunggul-sunggul dosa i ma di bagasan rohangku ragam-ragam ni hagiot; angke sugari nada adong hian angka Tona i, dosa i pe mate do.

1 TESSALONIKA 4:5

Ulang ma hara ni na mangoloi hagiot ni sibukna songon na nibaen ni angka halak na so mananda Debata.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

SURAT NI SI PAULUS TU PARLAGUTAN ROM 7:13

Muda songon i, gabe hamatean do lakna na denggan i di au? Nada! Tapi anso torang, bahaso ia do dosa, jana dosa mampargunahon na denggan parohon hamatean tu au, anso markite parenta i, dosa i mur torang muse songon dosa.

SURAT NI SI PAULUS TU PARLAGUTAN ROM 7:11

Harana di bagasan parenta i, dapotan inganan do dosa i giot paoto-otohon au jana markite-hite parenta i dibunu ia au.

SURAT NI SI PAULUS TU PARLAGUTAN ROM 7:5

Angke taran mangolu di bagasan bako ni jolma dope hita, margogo do hagiot ni dosa na ro markite-hite Tona i, na markarejo di bagasan goar-goaran ni pamatangta i, mamparbatuhon hamatean.

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

SURAT NI SI PAULUS TU PARLAGUTAN ROM 4:1

Antong, aha ma tardok hita taringot tu ompunta si Abraham? Aha ma he na dumpang di hajolmaonnia lakna?

BAENON NI ANGKA RASUL 20:33

Nada jungada dipangido rohangku hepeng bope pakean sanga na sian ise pe.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

MASMUR 119:96

Marujung be do huida sandok na singkop, hum parentaMu do na sanggam.

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

JOSUA 7:21

Sian tonga-tonga ni angka barang na tarampas i, adong huida sada baju juba Babilonia na jeges sajo; huida muse perak hira-hira borat dua kilogram dohot sere sabatang marborat lobi satonga kilogram. Por sajo rohangku anso di au nian angka barang i, jadi gabe hubuat ma i. Hutabunihon do sudena i di bagasan tano di bandarki; perakna i ma di bagian partoru.”

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

LUKAS 20:16

“Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

IBRANI 7:19

Dibaen nada adong na ni paujung ni Tona na sanggam i, hara ni i do nipabangkit arop ni roha na dumenggan, markite-hite i do tarpadonok hita tu Debata.