SURAT NI SI PAULUS TU PARLAGUTAN ROM 6:19 - BIBEL JAMITA NA DENGGAN

¹⁹ Mangihutkon hasomalan ni jolma do mangkatai au dohot hamu, anso ummura astuanmunu. Songon na dipasahatmunu na jolo goar-goaran ni pamatangmunu tu na mangoloi hahodaran dohot hajahatan na maroban hamu tu hahodaron, laing songon i saonnari pasahat hamu ma goar-goaran ni pamatangmunu gabe hatoban ni hatigoran, jana anso gabe badia ma hamu.

SURAT NI SI PAULUS TU PARLAGUTAN ROM 6:19 Referans Kwoze

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

GALATIA 3:15

Hamu ale angka dongan! Hubaen ma tudosanna jolo sian na masa siganop ari di hita. Muda adong sanga ise na mambaen parjanjian, jana madung disahkon janji i, jadi sanga ise pe nada tarbaensa be manyundati janji i bagi manamba-nambai sanga aha pe tusi.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

1 KORINTUS 9:8

Aha na hupajojor on nada hum sian pikiran ni jolma sajo. Nada he didok Tona i do songon i?

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

SURAT NI SI PAULUS TU PARLAGUTAN ROM 8:26

Laing songon i do Tondi Ni Debata, na ro do i mangurupi hita di hagaleanta. Angke anggo hita nada taboto sanga na tarbia sapatutna hita martangiang. Tapi Tondi i sandiri do mangadop tu Debata laho mangidohon di hita sian lungun ni roha na so tarhatahon jabat nada tuk hata pajojorkonsa.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

SURAT NI SI PAULUS TU PARLAGUTAN ROM 7:23

tapi tangkas muse do huboto bahaso adong dope tona na asing di bagasan goar-goaran ni pamatangku na maralo tu na nidok ni tona na nioku ni taroktokki. Hara ni i ma umbaen na tarrahut au tu tona ni dosa na adong di bagasan goar-goaran ni pamatangku.

HAMALIMON 13:40

Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i.