SURAT NI SI PAULUS TU PARLAGUTAN ROM 5:15 - BIBEL JAMITA NA DENGGAN

¹⁵ Tapi silehen-lehen ni Debata nada sarupa dohot pangalaosion ni si Adam. Hara ni pangalaosion ni sisada halak i gabe bahat mate jolma dibaensa. Hape dao gumodang dope akibat ni asi ni roha ni Debata dohot silehen-lehenNia na dung diusehon Ia tu bahat halak hara ni Sada Halak, i ma Jesus Kristus.

SURAT NI SI PAULUS TU PARLAGUTAN ROM 5:15 Referans Kwoze

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

EPESUS 2:8

Angke hara ni asi ni roha do malua hamu markite-hite haporsayaan, nada hara ni gogomunu sandiri, tapi silehen-lehen ni Debata do i;

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.

1 JOHANNES 5:11

On do hasaksian i: Madung dilehen Debata di hita ngolu na manongtong; jana AnakNia i do mual haroroan ni ngolu na manongtong i.

2 KORINTUS 9:15

Sai mandok tarimakasi ma hita tu Debata hara ni silehen-lehenNia na so tarsuhat i!

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

BAENON NI ANGKA RASUL 15:11

Di balik ni i tahaporsayai do, hum hara ni ibo ni roha ni Tuhan Jesus sajo do umbaen na malua hita; laing songon i muse ma halahi.”

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.