SURAT NI SI PAULUS TU PARLAGUTAN ROM 3:9 - BIBEL JAMITA NA DENGGAN

⁹ Jadi bia do na dumenggan dope hita hara ni halak Jahudi i hita, ulang pado halak na asing? Satutuna, nada! Madung tapajojor nangkin, sanga na halak Jahudi, sanga na halak na asing pe, sude do hita di toru ni kuaso ni dosa.

SURAT NI SI PAULUS TU PARLAGUTAN ROM 3:9 Referans Kwoze

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

SURAT NI SI PAULUS TU PARLAGUTAN ROM 11:32

Harana na dung dipadiar Debata do sude jolma na ditano on dirajai hatangkangan, anso tarpatidahon Ia asi ni rohaNia tu halahi sudena.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

PILIPPI 1:18

Tapi aha ma pola i! Harana sanga na bia pe, denggan sanga na jat maksud ni halahi na manjamitahon i, laing Kristus do na nijamitahon i, jop do rohangku disi. Jana tongtong do songon i pangkilalaanku,

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

1 KORINTUS 14:15

Antong, bia noma? On noma sibaenonniba: Martangiang ma iba dohot tondiniba, tapi martangiang muse ma iba dohot rohaniba. Marende ma iba dohot tondiniba, tapi laing giot marende muse ma iba dohot rohaniba.

1 KORINTUS 10:19

Aha na hudok disi? Adong dehe arti ni gana-ganaan sanga arti ni sipanganon na nihaulkon tu gana-ganaan i?

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

SURAT NI SI PAULUS TU PARLAGUTAN ROM 11:7

Antong songon dia noma? Na nijalahan ni halak Israel nada dapot halahi i, tapi angka na nipili i do dapotansa; jana anggo na asing i madung pir songon batu.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

PODA 20:9

Adong ma he halak na bolas mandok hatana, “Ias do rohangku, madung malua au sian dosa!”

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

SURAT NI SI PAULUS TU PARLAGUTAN ROM 3:1

Antong, aha dehe hasurungan ni halak Jahudi sanga aha guna ni sunat?

SURAT NI SI PAULUS TU PARLAGUTAN ROM 7:14

Angke madung taboto, partondion do Tona i, tapi anggo au pardagingon do, na targadis gabe hatoban ni dosa.