SURAT NI SI PAULUS TU PARLAGUTAN ROM 3:22 - BIBEL JAMITA NA DENGGAN

²² i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 3:22 Referans Kwoze

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

SURAT NI SI PAULUS TU PARLAGUTAN ROM 8:1

Saonnari nada adong be siuhumon di halak na mangolu di bagasan Kristus Jesus.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JAKOBUS 2:23

Hombar do i tu ayat na mandok, “Porsaya do si Abraham tu Debata, jana dietong ma i disia gabe hatigoran.” Hara ni i ma umbaen na nigoaran si Abraham, “Ale-ale ni Debata.”

BAENON NI ANGKA RASUL 15:9

Nada mardia imbar hita sian halahi dibaen Debata. Dipaias Ia do roha ni halahi, hara ni na porsaya halahi.

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

BAENON NI ANGKA RASUL 3:16

Haporsayaan di goar ni Jesus madung mangalehen gogo tu jolma na niligi jana na nitandamunu on; jana haporsayaan i ma na mangalehen hamalumon tu bayo on di adopanmunu sudena.

BAENON NI ANGKA RASUL 11:12

Dung i disuru Tondi i ma au rap kehe dohot halahi so pola ganggu rohangku. Dohot do dongan sionom halak on rap dohot au tu Kaisarea, jana rap masuk do hami tu bagas ni si Kornelius.

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 3:30

Angke na sasada i do Debata, na patigorkon angka na marsunat markite-hite haporsayaan, laing songon i angka na so marsunat markite-hite haporsayaan.

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

SURAT NI SI PAULUS TU PARLAGUTAN ROM 10:4

Dibaen Kristus do hasidungan ni Tona i, jadi dapotan hatigoran ma sude halak na porsaya.

1 KORINTUS 12:13

Angke markite-hite sada Tondi, nipandidihon do hita sude gabe sada pamatang, bope halak Jahudi bope halak Junani, bope naposo bope halak na malua. Songon i muse, nipainum do hita dohot Tondi na sada i.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

EPESUS 3:12

Dohot dalan mangkaporsayai Kristus bope hara ni na mardomu dohot Ia, dipatola ma hita laho mandonohi Debata mardongan haporsayaan na gok.