SURAT NI SI PAULUS TU PARLAGUTAN ROM 3:11 - BIBEL JAMITA NA DENGGAN

¹¹ Umpe sahalak na mangastui jana umpe adong sahalak na manjalahi Debata.

SURAT NI SI PAULUS TU PARLAGUTAN ROM 3:11 Referans Kwoze

MASMUR 53:2

Ditatap Debata do sian banua ginjang jolma manusia, manjalahi halak na marroha marsomba tuSia.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JESAYA 65:1

Rade do Au mangajari halak na so manyapai Au. Rade do Au dumpangan ni halak na so manjalahi Au. NingKu do: “Dison do Au, dison do Au” tu bangso na so mamio goarKu.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

HOSEA 7:10

Tarida ma tangkas haginjangon ni roha ni Israel, jana gabe bukti ni hasalaan ni halahi ma i. Haru pe madung tarjadi sudena i, laing na so ra muse do halahi mulak tu Au, Tuhan Debata ni halahi.

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

MASMUR 94:8

Pardiatehon ma, o hamu angka jolma na oto! Andigan dope hamu marsiajar mamake pikiranmi?

MASMUR 53:4

Didok Tuhan, “Na so diboto parjahat i dehe i na mangarampasi bangsongKu halahi jana na so unjung martangiang tu Au?”

SURAT NI SI PAULUS TU PARLAGUTAN ROM 3:10

Songon na tarsurat i, “Nada adong na tigor, sahalak pe nada.

SURAT NI SI PAULUS TU PARLAGUTAN ROM 3:12

Madung lilu sude jolma, nada adong be guna ni halahi. Umpe sahalak na mambaen na denggan; sahalak pe nada adong!