SURAT NI SI PAULUS TU PARLAGUTAN ROM 2:18 - BIBEL JAMITA NA DENGGAN

¹⁸ na umboto hagiotNia, jana na umboto na denggan dohot na so denggan, hara ni na diajar di bagasan Tona i.

SURAT NI SI PAULUS TU PARLAGUTAN ROM 2:18 Referans Kwoze

1 TESSALONIKA 5:21

tapi tangkasi hamu ma sasudena, jana togu ma tiop hamu na denggan i.

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

PILIPPI 1:10

anso malo hamu mamili na dumenggan. Muda songon i do hamu, ias ma ngolumunu sian tihas dohot tilako sanga aha pe di haroro ni ari ni Kristus mangulahi.

PANGARATAION 4:8

Angka bangso na asing sanga na bia pe godangna, nada adong aturanna na songon tigor ni angka aturan na huajarkon tu hamu sadari on.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

SURAT NI SI PAULUS TU PARLAGUTAN ROM 15:4

Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

LUKAS 12:47

Naposo na umboto hagiot ni tuanna, hape nada hobas ia jana nada dibaen ia hagiot ni tuannia i, sisambohon do i sagogona.

PODA 6:23

Angke songon palito do poda i; jana dalan hangoluan sipaingotna.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 19:8

Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

LUKAS 1:4

Nibaen pe songon i, anso singkop do diboto Tuan i sude na sintong na dung diajarkon tu ho.

SURAT NI SI PAULUS TU PARLAGUTAN ROM 2:19

Dihaposi rohamunu do sitogu na mapitung hamu jana sinondang do hamu di halak na maringanan di na golap;