SURAT NI SI PAULUS TU PARLAGUTAN ROM 2:13 - BIBEL JAMITA NA DENGGAN

¹³ Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

SURAT NI SI PAULUS TU PARLAGUTAN ROM 2:13 Referans Kwoze

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.

SURAT NI SI PAULUS TU PARLAGUTAN ROM 2:25

Sugari na burju hamu mangoloi Tona i, marguna muse do na marsunat i hamu. Tapi anggo dilanggar hamu do aturan i gabe nada adong be guna ni sunat i.

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

SURAT NI SI PAULUS TU PARLAGUTAN ROM 10:5

Disuratkon si Musa do taringot tu hatigoran na ro sian Tona i, “Halak na mangkarejohon Tona i, mangolu do markite-hite i.”

LUKAS 8:21

Tapi didok Jesus ma tu halahi sude, “Angka halak na umbege hata ni Debata jana na mamarangehonsa, i do Dainang dohot anggingKu.”

SURAT NI SI PAULUS TU PARLAGUTAN ROM 3:30

Angke na sasada i do Debata, na patigorkon angka na marsunat markite-hite haporsayaan, laing songon i angka na so marsunat markite-hite haporsayaan.

BAENON NI ANGKA RASUL 13:39

jana nipatigor do ganup halak na porsaya diSia. Nada tarpalua hamu markite-hite tona ni si Musa.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

GALATIA 5:4

Muda sian na mandalankon Tona do diusahahon hamu mardenggan dohot Debata, gabe digotapkon hamu ma parsambunganmunu sian Kristus. Di balian ni hadengganan ni roha ni Debata noma hamu mangolu.

SURAT NI SI PAULUS TU PARLAGUTAN ROM 3:23

madung mardosa sude jolma jana agoan hamuliaan ni Debata.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

JEREMIA 11:6

Dung i didok Tuhan ma tu au, “Kehe ma ho mandapotkon angka kota na di Juda dohot tu angka dalan na di Jerusalem. Palalu ma jolo tonangKon tu angka jolma na disi. Suru ma halahi mamparrohahon dohot mangoloi angka na nipangido ni parjanjianKu.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

1 KORINTUS 4:4

Sanga taringot tu bagi aha pe, nada adong huhilala salangku, tapi inda na mamastihon au paboa na tutu na so adong hasalaanku. Tuhan i sandiri ma manontuhon sanga na marsala au sanga nada.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.