SURAT NI SI PAULUS TU PARLAGUTAN ROM 15:24 - BIBEL JAMITA NA DENGGAN

²⁴ Jadi muda mardalan au tu Spanyol, disi ma au ro tu hamu dibaen arop do rohangku idaonku ma hamu, di na mamolus i au, anso didongani hamu ma au tusi, dung jop rohangku marsuo dohot hamu.

SURAT NI SI PAULUS TU PARLAGUTAN ROM 15:24 Referans Kwoze

SURAT NI SI PAULUS TU PARLAGUTAN ROM 15:28

Muda dung sidung hubaen karejongkon, jana hupasahat pangurupion na nipalagut i tu halahi na di Jerusalem, kehe ma au tu Luat Spanyol mamolus sian kotamunu on.

SURAT NI SI PAULUS TU PARLAGUTAN ROM 1:12

Astuanna na hudok i, dibaen na dung rap porsaya do hita, gabe tarbaen hita ma rap marsipatoguan roha.

BAENON NI ANGKA RASUL 15:3

Dipataru parlagutan na di Antiokia i ma halahi lalu tu balian ni kota i, halahi pe torus ma mardalan mamolus sian Punisia lalu tu Samaria. Dipaboa halahi ma disi sanga tarbia pangalahona angka bangso na asing na so Jahudi na gabe dohot pasahat dirina tu Debata. Moga sajo do roha ni angka halak na porsaya i disi umbege barita i.

2 KORINTUS 1:16

Giot topotonku do hamu nian laho kehe au tu Makedonia jana maradian muse ma au di hamu on laho mulak, anso tarurupi hamu au patoruskon pardalananku laho tu Judea.

BAENON NI ANGKA RASUL 21:5

Tapi dung dapot hatihana sai honok hami disi, hami tadingkon ma halahi, hami patorus ma pardalanannami. Sude ma halahi pataru hami, na menek na magodang, ama dohot ina lopus tu ruar ni kota i. Di topi ni laut i marsinggang ma hami martangiang disi.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

3 JOHANNES 1:6

Madung disaksihon halahi tu parlagutan na dison taringot tu holong ni rohamu. Cubo ma jolo mangurupi halahi anso tarpatorus halahi pardalanan ni halahi. Dalan na pasonangkon roha ni Debata ma baen patuluskon i.

PODA 25:17

Ulang majotjottu iba ro tu bagas ni hombarniba, betak sobalan ia lalu margoyak ni roha.