SURAT NI SI PAULUS TU PARLAGUTAN ROM 15:18 - BIBEL JAMITA NA DENGGAN

¹⁸ Angke nada puluk au mangkobari taringot tu bagi aha pe, asing ni na dikarejohon ni Kristus markite-hite au, anso hupatunduk angka bangso na asing tu pangoloion, markite-hite hata dohot pambaenan,

SURAT NI SI PAULUS TU PARLAGUTAN ROM 15:18 Referans Kwoze

BAENON NI ANGKA RASUL 15:12

Gabe tarhohom ma sudena na marlagut i disi. Dung i dibege halahi ma si Barnabas dohot si Paulus mangulahi mambaritahon sudena tanda-tanda dohot hahomangan na nibaen ni Debata markite-hite halahi di tonga-tonga ni bangso na asing na so Jahudi.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

BAENON NI ANGKA RASUL 21:19

Jadi dung marsijalangan dohot halahi, dipajojor si Paulus ma tu halahi sandok na nibaen ni Debata markite-hite ia di tonga-tonga ni bangso na asing na so Jahudi.

GALATIA 2:8

Harana, Debata na mambaen si Petrus i sanggup gabe rasul tu halak Jahudi, madung dilehen Ia muse do tu au hamaloan anso gabe rasul tu bangso na asing.

PODA 25:14

Angka janji na so tarpatulus, tudos tu ombun dohot alogo na so parohon udan.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

JUDAS 1:9

Tapi si Mikael sandiri kapala ni angka surusuruan i nada jungada dibaen ia songon i. Di na marsalisi ia sanoli dohot Sibolis i hara ni bangke ni si Musa, nada puluk si Mikael mandok hata pincang-pincang laho manguhumi Sibolis i. Hum on sajo do didok si Mikael, “Sai dipincang Debata ma ho!” ning ia.

1 JOHANNES 3:18

Hamu angka dakdanakku! Ulang ma hum di pamangan sajo hita marholong ni roha sanga hum di hata sajo. Holong ni roha na tutu i ma tabaen mangkaholongi, sipataridahononta di pambaenanta.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

2 KORINTUS 12:6

Sugari ra au mamuji diringku, nada songon parkata-hata na rumar au; na tutu do dohononku. Tapi huorom do diringku, angke nada por rohangku, anso unang adong halak na mamparetongkon tu au lobi sian na niidana hubaen sanga na dung dibege ia hudok.

2 KORINTUS 11:31

Debata, i ma Ama ni Tuhanta Jesus Kristus, na tarpuji ro di salolot ni lolotna do na umboto na so margabus au.

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 15:4

Jadi dung lalu halahi di Jerusalem, denggan do halahi dijagit parlagutan i, songon i dohot angka rasul i bope angka pangituai na disi. Jadi dicaritohon halahi ma tu angka halak na disi sudena na nibaen ni Debata markite-hite halahi.

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

MARKUS 16:20

Dung i kehe ma angka siseanNia i pararatkon barita na sian Debata i. Tuhan i pe dohot do markarejo rap dohot halahi laho mangurupi parjamitaon ni halahi. Laing dipatupa Tuhan i muse ma angka tanda ni kuaso dohot angka hahomangan sanga na di dia dibaritahon halahi jamita na sian Debata i.] [

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

2 KORINTUS 3:5

Nada adong sanga aha anggo di bagasan dirinami sipangasahonon na mambaen hami sanggup mambaen karejo on, na nilehen ni Debata do hamaloon i di hami.

MATEUS 25:16

Jadi kehe ma manigor naposo na manjagit lima ribu i, marjagal. Gabe maruntung muse ma ia lima ribu hepeng perak.