SURAT NI SI PAULUS TU PARLAGUTAN ROM 14:8 - BIBEL JAMITA NA DENGGAN

⁸ Muda mangolu hita, di Tuhan i do hita mangolu. Jana muda mate pe hita, laing di Tuhan i muse do hita mate. Antong, sanga mangolu sanga na mate, Tuhan i do nampuna hita.

SURAT NI SI PAULUS TU PARLAGUTAN ROM 14:8 Referans Kwoze

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

1 TESSALONIKA 5:10

Hara ni hita do umbaen na mate Jesus, anso tarbaen mangolu hita rap dohot Ia muda ro Ia muse – sanga na laing mangolu hita disi sanga pe na dung mate.

1 KORINTUS 15:23

Tapi marguru tu aturanna be do nipangolu halahi: Na parjolo Kristus; dung i angka na dung nampuna ni Kristus di hatiha haroroNia.

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

PILIPPI 2:30

Hum hara ni haporluan ni karejo ni Kristus i, saotik nari noma anso mate ia. Martaru hosa do ia di na mangalehen pangurupi tu au hara ni goarmunu.

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

JOHANNES 21:19

Jadi na paboahon sanga na tarbia do parmate ni si Petrus saulahon laho pasangap Debata, i do na nidok ni Jesus disi.) Dung i didok Jesus ma tu si Petrus, “Ihutkon ma Au!” ning Ia.

LUKAS 20:38

Nada Debata ni halak na mate Tuhan i tapi Debata ni halak na mangolu do i! Harana anggo di Debata, na mangolu do sude jolma.”