SURAT NI SI PAULUS TU PARLAGUTAN ROM 13:6 - BIBEL JAMITA NA DENGGAN

⁶ Laing hara ni i ma, umbaen na angkon gararonmunu pajak, angke songon parkarejo ni Debata do pamarenta laho mandalankon karejo sisongon i.

SURAT NI SI PAULUS TU PARLAGUTAN ROM 13:6 Referans Kwoze

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

1 JUJUR TAON 18:14

Songon i ma mamarenta si Daud di sude Israel jana dijagohon ia anso tigor dohot denggan dibaen tu rayatnia i.

SURAT NI SI PAULUS TU PARLAGUTAN ROM 12:8

Halak na laho paingotkon dongan, angkon marsitutu ma paingotkon halak na asing. Halak na marsilehen-lehen na adong disia, angkon sian burju ni roha na patut ma i dibaen. Halak na mamimpin, angkon dihaburjuhon ma na mamimpin i. Halak na maribo ni roha tu na asing, angkon sian jop ni rohana do i baenonna.

NEHEMIA 5:4

Jana adong muse dope na mandok, “Ma manginjam hepeng hami laho palunaskon pajak na nitontuhon ni raja, i ma pajak ni ladang dohot kobun anggurnami.

ESRA 6:8

Rap dohot on huparentahon ma hamu laho mangurupi halahi di bagasan pambangunan i songon on ma carana: Sude biaya ni pambangunan i angkon buaton sian suha ni pajak negara na di propinsi Efrat Hasundutan jana angkon gararon ma i tu halahi ulang dipalambat-lambat.

ESRA 4:20

Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

ESRA 4:13

Anggo jabat do lalu sidung dipajongjong, indangkon na ra be halak na maringanan disi manggarar pajak. Jadi gabe murak ma pandapotan ni harajaan.

2 SAMUEL 8:5

Dung i ditongos halak Siria ma tentara sian Damaskus laho mangurupi Raja Hadadeser, tapi talu muse do i jana mate do sian halahi 22.000 halak.

SURAT NI SI PAULUS TU PARLAGUTAN ROM 13:5

Hara ni i patut ma unduk rohanta, nada hum hara ni rimas ni Debata, tapi na dionjar ni taroktok i do.

SURAT NI SI PAULUS TU PARLAGUTAN ROM 13:7

Garari hamu ma tu sude halak sanga aha na patut sigararonmunu: Garar hamu ma pajak di na patut manggarar pajak hamu, garari hamu bea di na patut manggarar bea. Habiari hamu ma na patut sihabiaran jana parsangapi hamu ma na patut sipasangapon.