SURAT NI SI PAULUS TU PARLAGUTAN ROM 13:4 - BIBEL JAMITA NA DENGGAN

⁴ Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

SURAT NI SI PAULUS TU PARLAGUTAN ROM 13:4 Referans Kwoze

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

PODA 20:2

Muruk ni raja songon pangorong ni babiat do, barang ise na mangalapi muruk ni raja na mambaen parmaraan do i tusia.

PODA 16:14

Halak na marroha diparayak do pasonang roha ni raja; muda muruk raja, ra do adong na mate hona uhumna.

2 JUJUR TAON 19:6

jana dilehen ia ma parenta songon on tu halahi, “Malo-malo hamu marroha, dibaen nada hara ni goar ni jolma hamu manguhumi, tapi mangasahon goar ni Tuhan do. Dijagoi Ia do hamu di na mamutuskon parkaro.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

SURAT NI SI PAULUS TU PARLAGUTAN ROM 13:6

Laing hara ni i ma, umbaen na angkon gararonmunu pajak, angke songon parkarejo ni Debata do pamarenta laho mandalankon karejo sisongon i.

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

JEHESKIEL 25:14

PakeonKu Israel laho palalu hosom maradopkon Edom, jana pamasaon ma tu Edom hombar tu parpiar ni murukKu. Botoon ni Edom ma sanga songon dia daina na gabe hahonaan ni murukKu. Au Tuhan Debata madung mandok songon i.”

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

JESAYA 1:17

marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”

PODA 20:26

Diboto raja na marbisuk do sanga ise na marsala; diuhum ia do halahi nada adong ampunanna.

PODA 20:8

Muda mangadili raja, dipareso ia do sudena, jana dibuka ia sandok hajahatan.

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

JOSUA 20:9

Angka i ma sude kota haporusan na ditontuhon di sandok halak Israel dohot di sude halak na asing na tinggal di tonga-tonga ni halahi. Sanga ise halak na mamunu jolma sian na so sangajo, tola ma lindungan di angka kota i sian halak na mangkojarsa na giot mamalos tusi; nada tola bunuon ia anggo so jolo diadili di adopan ni halak na bahat.

JOSUA 20:5

Muda dikojar na giot palalu hosom i ia lalu tusi, nada tola lehenon ni halak kota i ia tu halak na giot palalu hosom i. Angkon jagoon ni halahi do ia, angke sian na so disangajonia do mamunu jolma, jana nada hara ni na goyak ni rohania marnida halakna i.

1 PETRUS 2:14

sanga pe gubernur na nitodo ni Kesar i manguhumi halak sibaen na jahat, dohot na manghormati halak sibaen na denggan.