SURAT NI SI PAULUS TU PARLAGUTAN ROM 13:13 - BIBEL JAMITA NA DENGGAN

¹³ Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

SURAT NI SI PAULUS TU PARLAGUTAN ROM 13:13 Referans Kwoze

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

1 TESSALONIKA 4:12

Muda songon i dibaen hamu, nada pola marguru tu halak na asing be ngolumunu, jana pasangapon ni halak na so porsaya tu Kristus ma hamu.

1 JOHANNES 2:6

Sanga ise na mandok na marsada ngoluna dohot Debata, angkon laing songon Jesus Kristus ma muse ngoluNia.

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

1 TESSALONIKA 2:12

Hami paingot, hami sosoi jana hami jujui do hamu anso mangolu hamu mangihutkon na tumbuk di roha ni Debata, na mamiohon hamu tu bagasan Harajaan bope hasangapanNia.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

1 TESSALONIKA 5:17

jana tongtong martangiang.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

JUDAS 1:23

Palua hamu ma halak sian api. Maradopkon angka halak na asing sian i pe laing maribo ni roha ma hamu mardongan biar, tapi hagigihon hamu ma anggo pakean ni halahi na hodar dibaen angka hagiot ni halahi na mardosa i.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.

JAKOBUS 4:5

Ulang ma didok rohamunu na so marguna na nidok ni Buku Na Badia i, “Madung dibaen Debata sada tondi na malungun situtu maringanan di bagasan hita.”

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

EPESUS 4:17

Jadi husaksihon di bagasan goar ni Tuhan, on do na giot dokkononku dohot patangkasonku: Ulang be songon halak na so mananda Debata ngolumunu na mamikirkon angka na so haru binoto.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

GALATIA 5:19

Tangkas do karejo na nibaen ni bako humani na jat i di bagasan angka pangalaho on: Na markarosuan, harorangan, hahodaron;

BAENON NI ANGKA RASUL 2:15

Nada na mabuk halak on songon na nidokmunu i, harana pukul sambilan dope saonnari.

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

PODA 23:20

Ulang ho margaul dohot parmabuk sanga halak na songkal,

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.